Fanning o’quv dasturi Oliy va o’rta maxsus, kasb-hunar ta`limi o’quv-uslubiy birlashmalari

   Boshlang‘ich faza- bu fazada bemorlarni deyarli hech narsa bezovta qilmaydi. Bemorlar umumiy 
holsizlikka, tez charchashga shikoyat qiladi. Ob'yektiv ko‘rganda umumiy ahvoli qonikarli, teri va 
shilliq qavatlari och-pushti rangda. Qorin palpatsiyada og‘riqsiz, taloq kattalashgan, limfa tugunlar 
ayniqsa  bo‘yin  limfa  tugunlari  kattalashgan.  Ular  og‘riqsiz,  atrofdagi  to‘qimalar  bilan 
qo‘shilmagan,  elastik,  yiringlamaydi.  Bu  faza  uchun  leykotsitoz  (10-20x109/l),    limfotsitoz  (60-
80%) xarakterli. 
     Rivojlangan  faza-  bemorlarni  umumiy  holsizlik,  tez  charchash,  ish  qobiliyatining  pasayishi, 
ko‘p terlash (ayniqsa kechqurun), ishtahaning pasayishi,chap qovurg‘a ostida og‘riq, oriqlash, tana 
haroratining ko‘tarilishi bezovta qiladi. Ob'yektiv ko‘rganda teri va shilliq qavatlar rangpar, hamma 
(bo‘yin,jag‘ osti, qo‘ltik osti, chov)  limfa tugunlari kattalashgan, ularning kattaligi no‘xat shaklidan 
to  tuxum  kattaligicha  bo‘ladi.  Limfa  tugunlar  elastik-xamirsimon,atrof  to‘qimalar  bilan 
qo‘shilmagan. Taloq kattalashgan, qorinning 2/3 qismini egallaydi, jigar kattalashgan 4-5sm, terida 
limfoid infiltrativ xarakterga ega bo‘lgan patologik (eksfoliativ eritrodermiya, o‘rmalovchi gerpes, 
neyrodermit)  o‘zgarishlar  yuzaga  keladi.  SLLda  oshqozon-ichak  shilliq  qavatida  leykemik 
infiltratsiya rivojlansa, qon ketish va qon yaratish uchun zarur temir va foli kislota elementlarining 
so‘rilishi  buziladi.  Leykemik  infiltratlar  o‘pkada  ham  uchraydi,  fibroz  yoki  ekssudativ  plevrit 
klinikasini namoyon qiladi.  
     Terminal  faza-  bemorlar  umumiy  holsizlikka,  hansirashga,  yurak  tez  urishiga,  bosh  aylanishi, 
qulokda  shovqin,  ko‘z  oldining  qorong‘ilashuviga,  qon  ketishga  (milkdan,  burundan,  oshqozon-
ichakdan,  buyrakdan,  bachadondan),  infeksion-  yallig‘lanish  kasalliklari  (angina,  pnevmaniya)dan 
shikoyat  qiladi.  Bemorlar  terisi  rangpar,  terida  gemorragik  toshmalar  toshgan,  oriqlash,  og‘iz 
bo‘shlig‘i shilliq qavatida yarali-nekrotik jarayonlar rivojlanadi. Limfa tugunlar kattalashgan, chap 
qovurga  ostida  og‘riq,  taloq  qorinning  2/3  qismini,  hatto  chanoq  sohasigacha  kattalashadi. 
Neyroleykemiya  (bosh  ogrig‘i,  qusish,  meningial  sindrom,  BMN  parezi,  periferik  paralichlar) 
kuzatiladi.