O`zbekiston respublikasi oliy va o`rta maxsus ta`lim vazirligi muqimiy nomidagi qo‟qo‟n davlat pedagogika instituti “Boshlang`ich ta`lim metodikasi” kafedrasi

3. Грамматик воситалар: а) морфологик воситалар: ҳар бир сўз туркуми; б) синтактик 
воситалар: гап бўлаклари, риторик сўроқ гаплар, ундалма, кириш сўз, кириш бирикма, содда 
ва қўшма гаплар, кўчирма ва ўзлаштирма гаплар. 
Маълум бир услубга тегишли бўлган сўзлар услубий хосланган сўзлар деб юритилади: 
янглиғ сўзи бадиий услубга, омоним, синоним сўзлари илмий услубга, балли, кетворган каби 
сўзлар сўзлашув услубига, фаоллар йиғилиши, сиѐсий майдон каби сўз бирикмалари оммабоп 
услубга хосдир. Сўзлашув услубида ҳам, китобий услубда ҳам ишлатилаверадиган сўзлар 
услубий бетараф сўзлар ҳисобланади: сув, тоғ, бола, хат. Бу сўзлар кўчма маънода қўлланса, 
маълум бир услубга тегишли бўлиши мумкин.  
 
2-§. Нутқ услублари
 1. Сўзлашув услуби 
Уйда, кўчада, инсонларнинг ўзаро сўзлашувида қўлланадиган услуб сўзлашув услуби деб 
аталади. Бу услубнинг адабий тил меъѐрларига риоя қиладиган кўриниши адабий сўзлашув 
услуби деб юритилса, бундай меъѐрларга риоя қилинмайдиган кўриниши оддий сўзлашув 
услуби деб аталади. Сўзлашув услубидаги нутқ кўпинча диалогик шаклда бўлади. Икки ѐки 
ундан ортиқ шахснинг луқмасидан тузилган нутқ диалогик нутқ дейилади. 
Сўзлашув услубида кўпинча турли услубий бўѐқли сўзлар, грамматик воситалар, 
товушлар тушиб қолиши, орттирилиши мумкин: Кеп қолинг! Оббо, ҳамма ишни дўндирибсиз-
да. Мазза қилдик. Кетақо-о-ол! 
Сўзлашув услубида гапдаги сўзлар тартиби анча эркин бўлади, пичинг, қочириқлар, 
киноялар кўплаб ишлатилади. Кўпроқ содда гаплар, тўлиқсиз гаплар, ундалмали гаплардан 
фойдаланилади. 
 
2. Илмий услуб 
 
Фан-техниканинг турли тармоқларига доир илмий асарлар, дарсликлар илмий услубда 
ѐзилади. Мантиқлилик, аниқлик бу услубга хос хусусиятлардир. Илмий услуб аниқ 

---

маълумотлар асосида чиқарилган илмий хулосалар (қоидалар, таърифлар)га бой бўлиши билан 
бошқа услублардан фарқ қилади:  Ёмғир - суюқ томчи ҳолидаги атмосфера ѐғини. Томчининг 
диаметри 0,5-0,6 мм бўлади. 
Илмий услубда ҳар бир фаннинг ўзига хос илмий атамаларидан фойдаланилади, бу услубда 
сўзлар ўз маъносида қўлланади, қоида ѐки таърифнинг мазмунини очишга хизмат қиладиган 
ажратилган бўлаклар, кириш сўзлар, кириш бирикмалар, шунингдек, қўшма гаплардан кўпроқ 
фойдаланилади.