Loyiha toshkent davlat yuridik universiteti

Mahkumlarning ba’zi toifalarini mehnatga jalb etishning 
ixtiyoriyligi. Ish bilan ta’minlash. Ish vaqti 
 
Mahkumlarning jinsi, yoshi, sog’lig’ining holati,  mehnat qobiliyati va 
imkon qadar mutaxassisligi inobatga olingan holda mehnatga jalb etiladi. 60 
yoshdan oshgan erkaklar va 55 yoshdan oshgan ayollar hamda I va II guruh 
nogironlari mehnatga o’z xohishlariga ko’ra jalb etiladilar. 
 Mahkuma  ayollar  homiladorligi  va  tug’ishi  munosabati  bilan  qonun 
hujjatlarida belgilangan muddatga ishdan ozod qilinadilar. 
   Shuningdek, mehnat to’g’risidagi qonun hujjatlariga muvofiq, voyaga 
yetmagan  va  ayol  jinsidagilarning  bajarishi  ta’qiqlangan  ishlarda 
ishlashlariga yo’l qo’yilmaydi. 
   Mahkumlarning  mehnatini  tashkil  kilishda  ularning  qobiliyati, 
jismoniy  xususiyatlari,  bilimi,  kasbiy  malakasi  kabi  xususiyatlari  birlamchi 
sanaladi.  Sababi,  jazoni  ijro  etish  muassasasiga  kelib  tushgan  har  bir 
mahkumning  ishga  yaroqliligi  tibbiy  komissiya  tomonidan  tekshiriladi.  I  va 
II  guruh  nogironlari  tibbiy  komissiyaning  xulosasiga  ko’ra  mehnat  qilishga 
yuboriladi.  Har  bir  mahkum  o’zining  kasb-xunariga  qarab  ish  bilan 
ta’minlanadi,  bundan  ko’zlangan  maqsad  ish  unumdorligini  yaxshilashdir. 
Kasb-hunarga  ega  bo’lmagan  mahkumlar  ham  muassasa  ma’muriyati 
tomonidan  ish  bilan  ta’minlanadilar.  Hech  qanday  hunar  yoki  kasbga  ega 
bo’lmagan mahkumlar maxsus kasb-xunar muassasalarida o’qitiladilar. 

---

148 
 
  Mahkumlar  muassasaning  xo’jalik  yoki  savdo-sotiq  ishlarida,  rahbar 
vazifasida ishlashiga tavsiya etilmaydi. Masalan, oziq-ovqat do’koni, ombor 
mudiri, nazoratchisi.[ Jinoyat-ijroiya kodeksiga sharhlar. / M.H.Rustamboev, 
B.J.Axrarov va boshqalar. / Mas’ul muharrir: yu.f.d., prof. M.H.Rustamboev. 
– T.: TDYI, 2007. – 574 b.] 
 
  Ozodlikdan  mahrum  qilingan  shaxslarning  axloqan  tuzalishlarida 
mehnat  qilishning  ijobiy  ta’siri  haqiqatan  ham  o’rni  beqiyosdir.  Shu 
maqsadda  ular  bozor  iqtisodiyoti  sharoitidan  kelib  chiqqan  holda  zarur 
hollarda ish bilan ta’minlanadi. 
 
O’zbekiston  Respublikasi  Vazirlar  Mahkamasi  o’z  vakolati  doirasida 
mahkumlarni  ish  bilan  ta’minlashda  umumiy  vakolatli  davlat  organi 
hisoblanadi.