Toshkent kimyo-texnologiya instituti oziq-ovqat mahsulotlari texnologiyasi fakulteti

Glitserinni  distillyasiya  qilish  qurilmasining  texnologik  sxemasi  (40-
rasm). Xom glitserin (1)  korobka dan vakuum bilan (3)  isitgichga tortib olinadi, u 
yerda  0,2  MPa  bosimli  bug‘  bilan  80-90
0
C  gacha  isitiladi,  keyin  distillyasiya  (5) 
kubiga tushadi. Isitgichda hosil bo‘lgan suv bug‘lari (9) kondensatorga  kelib tushadi. 
Distillyasion  kubda  glitserin  yuqori  bosimli    bug‘  (1,4-1,5  MPa)  bilan  175-176
0
C 
gacha  isitiladi.  Kubga  barboter  orqali  bug‘  (2)  isitgichdan  ochiq  bug‘  yuboriladi. 

---

 
123 
Bug‘ isitgichda ochiq bug‘ distilyasion kubdan kelayotgan yuqori bosimli bug‘ bilan 
isitiladi. 
Distillyasion  (5)  kubdagi  glitserin  va  suv  aralashmalari  tomchi  (6)  ajratgich 
orqali  (7)  kondensatsiya  sistemasiga  keladi.  U  ikkita  havo  kondensatorli  guruhdan 
iborat  bo‘lib,  ularning  har  biri  to‘rt  va  beshta  vertikal  joylashgan  va  ketma-ket 
birikkan  kondensatorlardan  tashkil  topgan.  Kondensatsiyalangan  (17)  glitserin 
yig‘uvchi konsentratorlarga  oqib tushadi, u yerda 117-120
0
C gacha isitilib, ortiqcha 
namlik  bug‘lanib,  distillyat  konsentratsiyasi 98,5-98,7%  ga  yetadi.  Tayyor  mahsulot 
(18) yig‘uvchi baklarda yig‘iladi. 
Havo  (7)  kondensatorlarida  kondensatsiyalanmagan  glitserin  va  suv  bug‘lari 
(9,8,11)  trubkali  kondensatorlarga  kelib,  suv  bilan  sovitiladi.  Kondensatordan  (9) 
kondensat (13) «birinchi shirin suv» yig‘uvchi bak da yig‘iladi. 
Keyin esa bug‘lar ikkinchi (8) suvli kondensator  ga keladi, u yig‘uvchi (12) 
bak bilan biriktiriladi. «Shirin suvlar» (12,13) baklardan keyingi (16) bakda yig‘iladi, 
u  yerdan  bug‘latish    uchun  jo‘natiladi.  Yig‘uvchi  (12)    bakdagi  bug‘  va  gazlar  (10) 
tomchitutgich  orqali  uchinchi  (11)  suvli  kondensatorga  keladi  va  (15)  «uchinchi 
shirin  suv»  yig‘uvchi  bak  da  yig‘ilib,  yog‘larni  gidrolizi  uchun  ishlatiladi, 
kondensatsiyalanmagan  bug‘  va  gaz-havo  aralashmalari  vakuum  nasos  (14) 
yordamida atmosferaga chiqarib turiladi. Apparatdagi qoldiq bosim 15-20mm, simob 
ustuniga teng. Suvli kondensatorlardan chiqayotgan suv harorati quyidagicha bo‘lishi 
kerak: 
birinchisida – 35-45
0
 C ; ikkinchisida 30-45
0
C; uchinchisida 15-20
0
 C. 
Distillyasion  kubda  yig‘ilayotgan  gudron,  (19)  gudron  baki  ga  tushirilib 
turiladi. 
Apparat quvvati hom glitserin sifatiga qarab kuniga 6,3 dan 8,6 tonna gacha 
bo‘ladi. 
 
40 – rasm. Glitserinni distillyasiya qilish qurilmasining 
 texnologik sxemasi 

---

 
124