|
234-модда. Кассация шикоятини (протестини)
қайтариш
А Ж Р И М
(кассация шикоятини қайтариш ҳақида)
2018 йил 10 июнь куни __________ -сонли маъмурий ишни
__________ вилоят маъмурий судининг судьяси Ш.Бўстонов, аризачи
Ю.Юсуповнинг Мажбурий ижро бюроси __________ туман бўлими
мансабдор шахсларининг хатти-ҳаракатларини қонунга хилоф деб
топиш ҳамда Ўзбекистон Республикасидан чиқишини чеклаш ҳақида
2018 йил 25 мартдаги 10-11/07-18-сонли қарорини ҳақиқий эмас деб
топиш тўғрисидаги шикоят аризаси бўйича юритилган маъмурий иш
юзасидан__________ туман маъмурий судининг 2018 йил 2 майдаги ҳал
қилув қарори устидан аризачи Ю.Юсупов томонидан келтирилган
кассация шикояти ва унга илова қилинган ҳужжатларни ўрганиб чиқиб,
А Н И Қ Л А Д И:
аризачи Ю.Юсупов судга шикоят аризаси билан мурожаат қилиб
унда фуқаро Ш.Шарапова билан 2004 йилда қонуний никоҳдан
ўтганлиги, уларнинг оилавий турмушларидан 2 та фарзандлари бўлиб,
катта фарзанди 2006 йилда ва кичиги 2008 йилда туғилганлиги, айрим
сабабларга кўра улар 2016 йилда қонуний ажрашиб, фуқаролик
ишлари б ўйича__________ туман судининг 2016 йил 20 мартдаги ҳал
қилув қарори билан фарзандлари онаси қарамоғида қолганлиги
сабабли унга 2 та фарзанди учун алимент тўлови белгиланганлиги,
шу кунга қадар у алиментни ўз вақтида тўлаб келганлиги, бироқ ўзига
боғлиқ бўлмаган сабабларга кўра кейинги уч ой давомида алиментни
ўз вақтида тўлай олмай қолганлиги, натижада алиментдан 1 200 000
сўм атрофида қарздорлиги вужудга келганлиги, чет элга ишлаш учун
кетмоқчи бўлганида Мажбурий ижро бюроси__________ туман бўлими
томонидан унинг четга чиқишига таъқиқ қўйилганлигидан хабар
топганлигини баён қилиб, Мажбурий ижро бю роси__________ туман
бўлими мансабдор шахсларининг хатти-ҳаракатларини қонунга хилоф
деб топиш ҳамда Ўзбекистон Республикасидан чиқишини чеклаш
ҳақида 2018 йил 25 мартдаги 10-11/07-18-сонли қарорини ҳақиқий
эмас деб топишни сўраган.
Биринчи инстанция судининг 2018 йил 2 майдаги ҳал қилув қарори
билан шикоят аризасини қаноатлантириш рад этилган.
Аризачи ушбу ҳал қилув қарори устидан кассация шикояти бериб,
унда биринчи инстанция суди томонидан ишни кўришда моддий ва
процессуал ҳуқуқ нормалари бузилганлиги, унинг важларига баҳо
берилмаганлиги, суд унинг ҳар доим алиментни ўз вақтида тўлаб
келганлигига, қолаверса унинг акаси С.Юсупов ҳам алимент суммасини
укаси тўлай олмаса, унинг ўрнига ўзи тўлаб туриши ҳақидаги кафолати
инобатга олинмаганлигини баён қилиб, суд қарорини бекор қилиб,
шикоят аризасини тўлиқ қаноатлантиришни сўраган.
Суд кассация шикояти ва унга илова қилинган ҳужжатларни
ўрганиб чиқиб, қуйидагиларга кўра кассация шикоятини қайтаришни
лозим топди.
Ўзбекистон Республикаси Маъмурий суд ишларини юритиш
тўғрисидаги кодексининг 226-моддасига кўра кассация шикояти
(протести) кассация инстанцияси судига йўлланади, бироқ ҳал қилув
қарорини қабул қилган судга берилади. Ҳал қилув қарорини қабул
қилган суд шикоят (протест) келиб тушган кундан эътиборан беш
кунлик муддатда уни кассация инстанцияси судига иш билан бирга
юбориши шарт.
Бироқ кассация шикояти ҳал қилув қарорини қабул қилган судни
четлаб ўтиб, тўғридан тўғр и __________ вилоят маъмурий судига тақдим
этилган.
Ўзбекистон Республикаси Маъмурий суд ишларини юритиш тўғ-
рисидаги кодекси 234-моддаси биринчи қисмининг 2-бандига кўра
кассация шикояти (протести) кассация инстанцияси суди томонидан
шикоят (протест) ҳал қилув қарорини қабул қилган судни четлаб ўтган
ҳолда юборилган бўлса қайтарилади.
Шунга кўра кассация шикоятини қайтариш лозим бўлади.
Юқоридагилардан келиб чиқиб ва Ўзбекистон Республикаси
Маъмурий суд ишларини юритиш тўғрисидаги кодексининг 168, 169 ва
234-моддаларини қўллаб, суд
А Ж Р И М Қ И Л Д И :
аризачи Ю.Юсуповнинг__________ туман маъмурий судининг 2018
йил 2 майдаги ҳал қилув қарори устидан берган кассация шикояти ва
унга илова қилинган ҳужжатлар қайтарилсин.
'■'■1
Мазкур ажрим устидан Ўзбекистон Республикаси Олий судига
назорат тартибида шикоят қилиниши (протест келтирилиши) мумкин.
Судья
Ш.Бўстонов
Do'stlaringiz bilan baham: |
