O‘zbekiston respublikasi mudofaa vazirligi

1 – o‘quv savoli. Jang xaqida tushuncha. 
 
Jang — qisqa vaqt ichida chegaralangan  rayonda dushmanni yo‘q qilish (tor-mor etish) 
uning zarbalarini qaytarish va boshqa taktik vazifalarni bajarish, maqsad bo‘yicha kelishilgan va 
rejalashtirilgan,  qarama-qarshi  jang  olib  boruvchi  tomonlardagi  qismlar  va  bo‘linmalarning 
tashkillashtirilgan kurolli to‘knashuvi. 
Jang  maqsadi  —  dushmanning  jonli  kuchini  jangovar  texnikasi  va  qurol-aslahalarini 
yo‘q  qilish  va  qo‘lga  kiritish  asirga  olish,  hamda  dushmanning  qarshilik  qilish  qobilyatini 
so‘ndirishdir. 
Bunga  barcha  turdagi  qurollar  bilan  harbiy  kism  va  bo‘linmalarning  qatiy  va  faol 
harakati qo‘rqmasdan o‘tkazilgan manyovri bilan erishiladi. 
Zamonaviy  umumqo‘shin  janggi  unda  qatnashayotgan  qo‘shinlarning  birlashgan 
kuchlari,  tanklar,  piyodaning  jangovar  mashinalari  (bronetransportyorlar),  artilleriya,  havo 
hujumidan  mudofaa  vositalari,  samolyotlar,  vertolyotlar  hamda  boshqa  texnika  va  kurol-
aslahalarni qo‘llash bilan olib boriladi. 
Jang — bu g‘alabaga erishish uchun birdan-bir vosita xisoblanadi. 
Askarning  jangdagi  roli  va  joyi,  uning  shtatdagi  lavozimi  va  bajarilayotgan  jangovar 
vazifaning xarakteriga bog‘liq. 
Jangda  joyning  xarakteriga,  vaziyat  shart-sharoitlari  va  dushman  olovining  ta’siriga 
ko‘ra,  askar  yayov  harakatlanayotganda  tez-tez  qadam  tashlab  yoki  yugurib  (tik  turgan  yoki 
enkaygan holda) yugurib-to‘xtab va o‘rmalab (emaklab) harakatlanishi mumkin.