Молия бозори kitob

9-модда. Давлат тасарруфидан чиқариш ва хусусийлаштириш объектининг сотув 
нархи 
1. Давлат тасарруфидан чиқариш ва хусусийлаштириш объектининг сотув нархини 
оммавий мулк объектларини тасарруф этувчи белгилайди. Сотув нархини белгилашда 
объектнинг давлат тасарруфидан чиқариш ва хусусийлаштириш вақтидаги қийматига 
асосланилади ҳамда давлат тасарруфидан чиқариш ва хусусийлаштириш ўтказилаётган пайтда 
қарор топган ҳақиқий баҳоси ҳисобга олиниши лозим. 
2. Оммавий мулк объекти қийматининг дастлабки баҳоси Ўзбекистон Республикаси 
Вазирлар Маҳкамаси белгилайдиган тартибда аниқланади. 
 
10-модда. Давлат корхонасининг ижарага олинган мол-мулкини сотиб олиш 
Ижарачи оммавий мулк объектларини тасарруф этувчининг розилиги билан ўзи ижарага 
олган мол-мулкни (тўлиқ ёки қисма) сотиб олиши мумкин. 
11-модда. Давлат корхонасини жамоа корхонасига айлантириш 
1. Давлат корхонасини жамоа корхонасига айлантириш меҳнат жамоаси аъзолари 
томонидан давлат мулкининг (ҳақини бир йўлга ёки бўлиб-бўлиб ҳақ тўлаш орқали) сотиб 
олиши ёки бу мулкнинг уларга текин бўлиши йўли билан амалга оширилади. 
2. Мол-мулк хусусий мулк қилиб сотиб олинаётганида жамоа корхонасининг уставида ҳар 
бир ходимнинг мол-мулкдаги ҳамда фойдадаги улуши белгилаб қўйилади, бунда уларнинг иш 
стажи, маошининг миқдори ва бошқа омиллар эътиборга олинади. 
12-модда. 
Давлат корхоналарини хўжалик жамиятлари ва ширкатларига 
айлантириш 
1. Давлат корхонасини хўжалик жамияти ёки ширкатига айлантириш тартиби Ўзбекистон 
Республикасининг қонунлари билан белгиланади. 
2. қуйидагилар хўжалик жамиятлари ёки ширкатларининг муассислари ёки акциялар 
(улуш, пай) бўлишлари мумкин: 
меҳнат жамоасининг аъзолари, Ўзбекистон Республикасининг бошқа фуқаролари, 
ажнабий фуқаролар ва фуқаролиги бўлмаган шахслар; 
Ўзбекистон Республикаси ва бошқа давлатларнинг юридик шахслари; 
республика ва маҳаллий давлат бошқарув органлари номидан Ўзбекистон Республикаси 
Давлат мулкини бошқариш ва тадбиркорликни қўллаб-қувватлаш давлат қўмитаси ёки унинг 
ҳуддуий органлари.