N. M. Mahmudov, A. Nurmonov, A. Sh. Sobirov

212-mashq.
 
Berilgan  gaplardagi  fikrga  munosabat  bildirib,  «Insoniylik 
mehrdan  boshlanadi»  mavzusida  muhokama  matni  tuzing  va  yozing.
Har  bir  ishga  mehr  kerak.  Mehr  bilan  qilinmagan  ish  ertaga 
tashvish  keltiradi. (B.Otajonova)
 213-mashq.
  Matnni  o‘qing,  muhokama  mazmunini  ta’kidlayotgan 
so‘zlarni  aniqlang.
Somon  suvoq  chakki  bo‘lmagan:  faqat  bir-ikki  xonaning 
burchaklari  notekisroq  chiqqandi.  Buning  sababi  gazcho‘p  ishlatishni 
yaxshi  bilmaslikda  edi.  Usta  buni  aytmoqchi  ham  bo‘ldi-yu,  keyin 
bu  o‘ydan  qaytdi,  chunki  notekis  joylarni  ganj  suvoqda  to‘g‘rilab 
yuborish  qiyin  emas  edi,  usta  umuman  kamchilik  qidirishni 
yoqtirmas,  buni  «qarilik  kasali»  deb  bilardi. 
(O.Yoqubov)
214-mashq.
  Matnni  o‘qing,  johillikning  nima  ekanligi  haqida  
mulohazalaringizni  bildiring. 
Bir  mashhur  tabibdan  so‘rabdilar: 
–  Dunyoda  eng  og‘ir  xastalik  nedur?
Tabib  aytibdur:
–  Xastalikning  yaxshi-yomoni  bo‘lmaydi,  ammo  eng  dahshatlisi 
johillikdir.  Siz  nima  deysiz?
1.  Muhokama  mazmuniga  ega  bo‘lgan  matnlarning  asosiy  belgilari 
haqida  ayting.
2.  Muhokama  matnining  qo‘llanishi  haqida  gapiring.
3.  Muhokama  va  mulohaza  nima?