O‗zbekiston respublikasi oliy va o‗rta maxsus ta‘lim vazirligi namangan davlat universiteti ijtimoiy-iqtisodiy fakul‘teti

Triangulyasiya  —  alohida  usul  yordamida  olingan  natijalarga  nisatan 
ancha ishonchliroq bo‗lgan empirik ma‘lumotlar olish uchun bir necha tadqiqot 
usullarini birgalikda qo‗llash. 
Turmush  —  kishilarning  moddiy,  oziq-ovqat,  kiyim-kechak,  uy-joy, 
sog‗liqni  saqlashga  bo‗lgan,  shuningdek,  ma‘naviy  qadriyatlarga  bo‗lgan 
ehtiyojlarini  qondirishdan  iborat  ijtimoiy  hayotning  noishlab  chiqarish  sohasi. 
T. keng ma‘noda tinchlik kundalik hayot tarzini anglatadi. T. ijtimoiy hayotning 
barcha  sohalari  mehnat,  ijtimoiy  faoliyat,  kishilar  kayfiyati  va  yurish-turishiga 
ta‘sir  ko‗rsatadi.  Odatda  T.ning  ijtimoiy,  shahar,  qishloq,  oilaviy  va  yakka  T. 
shakllari  farqlanadi. T.  o‗zaro  munosabat  nuqtai  nazaridan ham  tasnif qilinadi: 
moddiy va ma‘naviy T., ijtimoiy va yakka T. Vaqtni sarflash nuqtai nazaridan 
(fiziologik  ehtiyojlarni  qondirish,  mehnat),  ijtimoiy  hamkorlik  va  muloqot 
jihatidan (oila, qo‗shnichilik, o‗rtoqlik jamoalari) T. turlari ajratib ko‗rsatiladi. 
T.da  ijtimoiy  ziddiyatlar  ham  o‗z  ifodasini  topadi.  Jamiyatning  tarixiy 
taraqqiyoti  jarayonida  T.  unsurlari  va  uning  tarkibi  ham  o‗zgaradi. 
Urbanizatsiya  jarayonlari  oqibatida  T.da  bo‗sh  vaqtning  ulushi  ortib  boradi. 
Ommaviy  ehtiyojlarni  qondirish  va  aholiga  xizmat  ko‗rsatishga  mo‗ljallangan 
maishiy  korxonalar  tarmoqlarining  kengaytirilishi  oilaviy  va  yakka  T.ga  ta‘sir 
ko‗rsatadi.