Microsoft Word ihyo ulimdan sung ziyouz com doc

«Parvardigorlaridan qo‘rqqan zotlar esa to‘p-to‘p holda jannatga 

kiritiladilar. Qachonki ular darvozalari ochilgan holdagi (jannatga) kelib 

yetganlarida va uning qo‘riqchilari: «Sizlarga tinchlik-omonlik bo‘lsin! Xush 

keldingaz! Bas, unga mangu qolguvchi bo‘lgan hollaringizda kiringiz» 

deganlarida (ular behad shodlanurlar)» (Zumar, 73-oyat). 

So‘ng‘ra keyingi chashmaga borib, u bilan poklanadilar. Ularga ne’matlar jilvasi 

yog‘iladi. Badandagi tuklardan mudom xush bo‘ylar taraladi. Sochlar go‘yo atirli moy 

surilgandek bir tekis, tartibli. Keyin ular jannatga yetib keladilar. Jannat qo‘riqchilari 

ularga: «Sizlarga tinchlik-omonlik bo‘lsin! Xush keldingiz! Bas, unga mangu qolguvchi 

bo‘lgan hollaringizda kiringiz» deyishadi. 

So‘ng vildon - mangu yosh bolalar ularni qarshi olishib, atrofida aylanishadi, 

bamisoli, dunyo bolalari uzoq vaqt ko‘rmagan yaqinlarini sog‘inch bilan kutib olib, 

atrofida aylanishganlari kabi. Ular ahli jannatga: «Quvoning, shodlaning! Qarang, Alloh 

taolo sizga shunchalik ne’matni ato qilibdi!» deya suyunchilashadi». 

Roviy deydi: «Mangu yesh bolalardan biri jannat ahli zavjalaridan bo‘lgan oxu ko‘z 

---

Ihyou ulumid-din. O’limdan so’ng. Imom G’azzoliy 

 

 

www.ziyouz.com kutubxonasi 

36

hurlardan biriga: «Falonchi keldi!» deb u jannatiyning dunyoda chaqirilgan ismini aytadi. 

Shunda ohu ko‘z xur: 

— Sen uni aniq ko‘rdingmi? deb so‘raydi. 

— Ha, aniq ko‘rdim, mana u izimdan kelyapti, deydi u. O’shanda u xur sevinchdan 

shu darajada yengillashib ketadiki, bir zumda jannat eshigi bo‘sag‘asida hozir bo‘ladi. 

Jannatiy banda o‘z maskaniga yetib, marjonlardan iborat soxil ustiga qurilgan qizil, 

sariq, yashil kabi turfa rangda tovlanayotgan ko‘shkka nazari tushadi. Boshini ko‘tarib, 

chaqmokdan chaqnayotgan ko‘shkning shiftiga asta qaraydi. Agar Alloh taoloning takdiri 

bo‘lmaganida bu yorqinlik uning ko‘zini ko‘r qilgan bo‘lar edi. Ko‘zini shiftdan olar ekan, 

qoshida zavjalarini, bulok bo‘yiga qo‘yilgan qadahlarni, tizib qo‘yilgan yostiqlarni va 

to‘shalgan gilamlarni ko‘radi. So‘ngra ularga suyanib: