Boshlang’ich sinflar uchun matematikadan kompyuterli ijodiy topshiriqlar tizimini yaratish

III BOB. BOSHLANG’ICH SINF MATEMATIKA TA’LIMIDA 

KOMPYUTERLI IJODIY TOPSHIRIQLARDAN FOYDALANISHNING 

SAMARADORLIGI 

 

3.1. Tajriba sinov ishlarini tashkil qilish 

 

Tajriba-sinov  bosqichlari.  Boshlang’ich  sinflarda  matematika  ta’limida 

kompyuterli ijodiy topshiriklardan foydalanish muammosi bo’yicha tadqiqotimizni 

2014-2016  yillar  mobaynida  3  bosqichda  o’tkazdik.  Birinchi  -  izlanish  bosqichi 

(2014-2015  yillar)  da  tadqiqot  maqsadi,  mazmuni,  masalalari  ishlab  chiqildi. 

Muammoning maktablar tajribasidagi holati o’rganildi. 

Tajriba  masalalarini  tavsiflash,  ularni  yechish  vositalarini  tanlash  uchun 

tajriba  va  nazorat  sinflarida  (tajribaning  2-bosqichida)  o’quvchilar  o’zlashtirish 

darajalari  to’g’risidagi  ma’lumotga  ega  bo’lish  zarur  edi.  Shu  bois  muammo 

borasida kerakli ma’lumotlarni aniqlash bo’yicha tadqiqotlar olib borildi. 

Tashkil  etilgan  tajriba  to’rt  yillik  boshlang’ich  ta’limga  mo’ljallangan  edi 

(2014-2016  yillar).  Unda  3–4-sinf  o’quvchilari  ishtirok  etdi.  Tajribadagi  bu 

bosqichning  asosiy  maqsadi:  a)  matematikadan  o’quv-biluv  faoliyatiga  nisbatan 

o’quvchilarning  qiziqishini  uyg’otish,  ta’limda  axborot  texnologiyalaridan 

foydalanish  to’g’risida  tasavvurni  shakllantirish,  ularni  bajarishdagi  ahamiyatni 

ko’rsatish;  b)  boshlang’ich  sinf  o’qituvchilarini  matematika  darslarida  ijodiy 

topshiriklarni  bajarishda  axborot  texnologilaridan  foydalanish  usuliyoti  bilan 

tanishtirishdan iborat edi. 

Bu  davr  uchun  boshlang’ich  sinf  o’quvchilariga  atab  o’quv  materiallari  va 

o’qituvchilar  uchun  metodik  tavsiyalar  ishlab  chiqildi.  Tavsiya  etilayotgan  tizim 

bo’yicha  mashg’ulot  o’tkazish  uslubi  bilan  o’qituvchilarni  tanishtirish  maqsadida 

ular  bilan  suhbatlar  o’tkazildi.  Bu  davrda  biz  tayyorlagan    kompyuterli  ijodiy 

topshiriqlar  tizimidan  matematika  darslarida  foydalanildi.  Tuzilgan  topshiriqlar 

tizimi qayta ko’rilib, takomillashtirildi. 

Tajribaning  uchinchi  bosqichi  (2015-2016  yillar),  ya’ni  eksperimental  ta’lim 

tajriba materiallarining ma’qulligi va samarasini tekshirish maqsadida o’tkazildi. 

---

 

63