|
7.1.Xarajatlar smetasi va shtatlar jadvalini tuzish, tasdiqlash va ularni
ro’yxatdan o’tkazish
152
erishish maqsadida mavjud mablaglarni oqilona taqsimlash uchun imkoniyatlar
yaratish;
ish haqi va unga tenglashtirilgan to’lovlarni, ish haqiga qo’shimchalar,
kapital qo’yilmalar va boshqa xarajatlarni guruhlagan holda bir satrda mablag
bilan ta’minlash usulida budjet tashkilotlarini |normativlar bo’yicha (faoliyat
turiga ko’ra) mablag bilan ta’minlashning yangi tartibini joriy etish;
budjetdan mablag bilan ta’minlashni budjet tashkilotlarining faoliyat turi
bo’yicha tovarlar (ishlar, xizmatlar) ishlab chiqarish va sotish faoliyatini
kengaytirish bilan birga qo’shib olib borish;
budjet tashkilotlari xodimlari mehnatini ragbatlantirish, ular faoliyati
samaradorligini oshirish va kadrlarning o’rnashib qolishi uchun shart-sharoitlar
yaratish.
Mazkur Qarorning to’liq ijrosini ta’minlash maqsadida yuridik shaxs
maqomiga ega bo’lgan faoliyatdagi tashkilotlarga qo’shimcha ravishda 2000
yildan boshlab bir qator budjet tashkilotlari va muassasalariga yuridik shaxs
maqomi berilgan. Bular:
Maorif sohasida:
-kasb-hunar kollejlari, akademik litseylar, professional-texnika o’quv
yurtlari va bolalar uylari;
-umumta’lim maktablari, gimnaziyalar, litseylar, maktablararo o’quv-ishlab
chiqarish kombinatlari – o’quvchilar kontingenti 400 kishidan kam bo’lmasa;
-internatlar – o’quvchilar kontingenti 200 kishidan kam bo’lmasa;
-maktabgacha tarbiya bolalar muassasalari – bolalar kontingenti 350
kishidan kam bo’lmasa;
viloyat va tuman (shahar) ahamiyatiga molik maktabdan tashqari
muassasalar;
Sog’liqni saqlash sohasida:
153
- kasalxonalar (ixtisoslashtirilgan markazlar bilan), tug’ruqxonalar, tibbiy-
sanitariya qismlari, dispanserlar, shifoxonalar;
- bolalar uylari, bolalar sanatoriylari, kattalar uchun sil kasalliklari
sanatoriylari;
- tajriba tariqasida ochilgan qishloq vrachlik punktlari.
Sanab o’tilgan budjet tashkilotlariga yuridik shaxs maqomi quyidagi
sharoitlar mavjud bo’lgandagina berilishi mumkinligi belgilab qo’yilgan:
- moddiy-texnika bazasi va faoliyat sohasi bo’yicha xo’jalik faoliyati bilan
shug’ullanish uchun sharoitlar;
- buxgalter kadrlarning mavjud bo’lishi.
Keyingi yillarda budjet amaliyotidagi o’zgarishlar, Davlat budjetining
g’azna ijrosi to’g’risidagi Qonunning qabul qilinishi va budjet tashkilotlari
xarajatlarini moliyalashtirish mexanizmining o’zgarishi munosabati bilan
amaldagi 414-son Qarorga 2007 yil 19 iyul 148-son Vazirlar Mahkamasining
Qarori bilan qator o’zgartirishlar kiritildi. Unga muvofiq, g’azna ijrosiga o’tgan
Budjet mablag’lari oluvchilarning xarajatlari Moliya vazirligining G’aznachiligi
va uning hududiy bo’linmalari tomonidan yagona g’azna hisob raqamidan,
shuningdek smetada ko’rsatilgan xarajatlar guruhlarining har bir moddasi
bo’yicha hududiy g’aznachilik hisob raqamidan amalga oshiriladi.
O’zbekiston Respublikasi Davlat Budjetidan moliyalashtiriladigan Budjet
tashkiloti va Budjet mablag’lari oluvchilarning xarajatlar smetasi va shtat
jadvallarini, daromadlar va xarajatlar smetalarini, vaqtinchalik xarajatlar
Xarajatlar smetasi - byudjet tashkiloti yoki byudjet mablag’lari oluvchi
tomonidan moliya yili uchun tuziladigan va tasdiqlanadigan, uning uchun nazarda
tutilgan byudjetdan ajratiladigan mablag’lar xarajatlar moddalari bo’yicha aks
ettiriladigan hujjat .
154
smetalarini, shuningdek Budjet mablag’larini taqsimlovchilarning jamlanma
xarajatlar smetasi hamda shtat jadvallarini tuzish, tasdiqlash va ro’yxatdan
o’tkazish Moliya vazirligining 2014 yil 14 noyabrdagi 74-sonli buyrug’iga
asosan tasdiqlangan «Budjet tashkilotlari va Budjet mablag’lari oluvchilarning
xarajatlar smetasi va shtat jadvallarini tuzish, tasdiqlash va ro’yxatdan o’tkazish
tartibi to’g’risidagi nizom” (O’zbekiston Respublikasi Adliya vazirligi
tomonidan 2014 yil 15 dekabrda 2634-son bilan ro’yxatdan o’tkazilgan) asosida
amalga oshiriladi.
Budjet tashkilotlari o’zlarining xarajatlarini hisoblab chiqishda
quyidagilarga amal qiladilar:
1. O’zbekiston Respublikasi qonunlari, O’zbekiston Respublikasi Oliy
Majlisining boshqa qarorlari, Prezident farmonlari, O’zbekiston Respublikasi
Vazirlar Mahkamasining qarorlari va farmoyishlari, O’zbekiston Respublikasi
Moliya vazirligining normativ hujjatlariga;’
2. Budjet tashkilotlari xarajatlarini rejalashtirishning normativ uslubiga;
3. Tovar va xizmatlarning davlat tomonidan tartibga solinadigan baholari
va tariflariga, shuningdek nodavlat korxonalar va tashkilotlarning ayrim
tovarlari va xizmatlari baholariga;
4. Yuqori turuvchi tashkilotlar raxbarlarining o’zlari tasarrufidagi
muassasalarning kelgusi yil uchun xarajatlar smetalarini tuzish masalalari
bo’yicha ko’rsatmalari va takliflariga, agarda ular qonun xujjatlariga zid
bo’lmasa,
5. Bolalar va boshqa ijtimoiy-madaniy tashkilotlarda ovqatlanishga
ketadigan
xarajatlar
summasi
qonun
hujjatlari
bilan
tasdiqdangan
tashkilotlarning ayrim turlari uchun belgilangan ovqatlanish me’yorlari
ovqatlanish kunining sonidan kelib chiqib hisoblanadi;
155
6. Dori-darmonlarga ketadigan xarajatlar summasi qonun xujjatlari bilan
belgilangan pul xarajatlari me’yoriga qarab hisoblab chiqiladi;
7. Ijtimoiy-madaniy tashkilotlarning ayrim guruhi uchun kiyim-kechak,
poyafzal, choyshab, yotoq anjomlari va boshqa yumshoq buyumlar sotib olishga
ketadigan xarajatlar, moddiy ta’minotning amaldagi me’yorlari asosida, lekin
ajratilgan mablag’lar doirasida hisoblanadi.
Do'stlaringiz bilan baham: | 
