Банк тизимини такомиллаштириш – ИҚтисодий ривожланишнинг асосий йўналиши сифатида

 
5. Ўзбекистонда банк тизимини янада такомиллаштиришнинг устувор 
йўналишлари 
2018 
йилда 
пул-кредит 
сиёсати 
юқорида 
таъкидланганидек 
иқтисодиётда нисбатан юқори инфляцион кутилмалар шароитида амалга 
ошириб борилади. 
Шундан келиб чиққан ҳолда, келгуси йилда пул-кредит сиёсатини 
амалга оширишда, асосий эътибор, монетар омилларнинг инфляцияга 
таъсирини минималлаштириш ва шу орқали нархлар барқарорлигини 
таъминлаш учун зарур шароитни яратишга қаратилади. 
Мамлакатимиз иқтисодиёти ва банк-молия тизимининг жорий 
ривожланиш босқичида инфляция даражасининг пул массаси ҳамда алмашув 
курси билан боғлиқлик даражасини инобатга олиб, пул-кредит сиёсатида 
оралиқ мўлжал сифатида “пул массасининг ўзгариши”дан фойдаланилади. 
Ўз навбатида, иқтисодиётдаги инфляцион босимни пасайтириш 
мақсадида банк тизимидаги ликвидлик ва пул массаси ҳажмига пул-кредит 
инструментларидан фаол ва мослашувчанлик билан фойдаланиш орқали 
таъсир кўрсатилади. 
Шуниндек, қатъий пул-кредит сиёсатининг юритилиши иқтисодиётда 
реал фоиз ставкаларининг ижобийлигини таъминлаш ҳамда ички омиллар 
ҳисобига алмашув курсининг кескин тебранишини камайтириш имконини 
беради. 

---

34 
Ушбу мақсадларга эришишда пул-кредит сиёсати самарадорли-гини 
ошириш ва унинг инструментларини такомиллаштириб бориш бўйича 
тегишли чора-тадбирлар амалга ошириб борилади.
Пул-кредит сиёсатининг 2018 йил учун прогноз параметрлари 
Инфляция даражасининг 2018 йил учун прогноз қилинаётган даражаси 
ҳамда кўзда тутилаётган иқтисодий ўсиш суръатлари доирасида юзага 
келадиган пулга бўлган талабни инобатга олиб, келгуси йилда пул 
массасининг 12-15 фоиз миқдорида ўсиши прогноз қилинмоқда. Шу билан 
бирга, иқтисодиётга ажратиладиган кредитлар қолдиғининг ҳам ушбу 
суръатларда ўсиши тахмин қилинмоқда. 
Ўз навбатида, давлат бюджетининг прогноз қилинаётган профицит 
билан ижроси пул массасининг кескин ўсиб кетишининг олдини олишга 
хизмат қилади. 
Мамлакат тўлов баланси жорий ҳисобварақлари ижобий сальдосининг 
сақланиб қолиниши (ЯИМга нисбатан 2,5-3 фоиз миқдорида) ҳамда халқаро 
кредит линиялари ва хорижий инвестиялар ҳажмларининг ошиб бориши пул 
массасининг тезроқ суръатларда ошишига олиб келиши мумкин. 
Юқоридагилардан келиб чиқиб, Марказий банк пул массининг 
ўзгаришини таркибий ҳамда омиллар кесимида доимий равишда таҳлил 
қилиб боради ва бунда пул массасини ўсига олиб келувчи ҳар бир омилнинг 
хусусиятини ўрганишга алоҳида эътибор қаратилади.