Низомий номидаги тошкент давлат педагогика

Ўқувчилар ҳаракати дафтари (3-сатр) га барча ўқувчиларнинг исм 
ва фамилиялари синфлар бўйича алифбо тартибида ѐзилади. Ҳар ўқув йили 
бошида (15 сентябргача) таълим муассасаси буйруғи асосида биринчи 
синфга қабул қилинган ўқувчилар алоҳида бетларга, ѐзги таътил давомида 
бошқа синфларга қабул қилинган ўқувчилар белгиланган саҳифаларга қайд 
этилади. Таълим муассасасини битириб кетган ўқувчиларга ―Эслатма‖ 
устунида ―Таълим муассасасини битирган‖ деб ѐзилади ва Кенгашнинг 
тегишли қарори санаси ва тартиби қайд этилади. Шунингдек, ушбу устунга 
бошқа таълим муассасасига кетган ўқувчига оид буйруқ ва таълим 
муассасаси рақами қайд этилади. Таълим муассасасидан кетган ўқувчи 
маълум вақтдан кейин таълим муассасасига қайта қабул қилинган тақдирда, 
уни белгиланган тартибда расмийлаштириш мақсадга мувофиқ, яъни ўқувчи 
тўғрисидаги маълумотлар қайтадан киритилади. Шу билан бирга аввалги 
ѐзилган сатрда ―Эслатма‖ устунида ўқувчининг мактабдан кетганлиги 
ҳақидаги ѐзув тепасига янги қабул ҳақидаги буйруқни қайд этиш мумкин. 
Дафтардаги ѐзувлар хатосиз ва аниқ бўлиши шарт. Барча тузатишлар 
изоҳланади ва таълим муассасаси раҳбари томонидан имзоланади. 
Дафтарнинг ҳар бир саҳифаси рақамланади, тикилади, Т(Ш)ХТБ раҳбари 
томонидан имзоланади ва муҳрланади.
Умумий ўрта таълим тўғрисида (9 синф битирувчилари учун) ва 
ўрта маълумот тўғрисида (11-синф битирувчилари мавжуд таълим 
муассасалари учун) шаҳодатномаларни ҳисобга олиш ва ўқувчиларга 
топширишни қайд қилиш китоблари 4,5-сатрлар) нинг биринчи қисми 
саҳифаларида қабул қилиб олинган ва берилган шаҳодатномаларнинг 

---

45 
сериялари ва рақамлари, олинган санаси, қабул қилиб олиш ѐки бериш 
асослари кўрсатилган ҳолда шаҳодатномалар алоҳида-алоҳида қайд 
этилади. Шу саҳифаларнинг ўзида фойдаланилмай қолган (тўлдирилмаган) 
шаҳодатномалари ва бузилган бланкалар (сериялари ва рақамлари 
кўрсатилган ҳолда) алоҳида қайд этилади. Мазкур шаҳодатномалар халқ 
таълими бошқарув органларига қайтариб топширилади. Масъул ходим 
шаҳодатномаларни олганликлари тўғрисида имзо қўяди. Китобнинг 
иккинчи қисмида битирувчилар ҳақида маълумотлар қайд этилади: 
фамилияси, исми, шарифи, туғилган ойи, йили, куни, ушбу таълим 
муассасасига қабул қилинган йили, шаҳодатномада қайд этилган баҳолари, 
педагогик кенгаш қарорининг санаси ва баѐннома тартиби, битирувчининг 
сурати. Битирувчи шаҳодатномани олганлиги ҳақида ―...рақамли 
шаҳодатномани ...йил ...кун ...ойда олдим‖ деб ѐзади ва имзосини қўяди. 
Шаҳодатноманинг дубликатини олишда асл нусхасининг рақами устидан 
ихтиѐрий чизиқ қизил сиѐҳда чизилиб, ѐнига ―йўқолган (бузилган) 
...рақамли шаҳодатнома ўрнига дубликат берилган‖ деб ѐзилади. Дубликат 
бериш ҳам белгиланган тартибда амалга оширилади ва шаҳодатноманинг 
ўнг томонининг юқори қисмига ―Дубликат‖ деб ѐзилади. Китобга 
киритилган битирувчиларнинг тўлиқ рўйхати охирида таълим муассасаси 
раҳбари, унинг ўқув-тарбия ишлари бўйича ўринбосари ва синф 
раҳбарларининг имзолари қўйилади ҳамда таълим муассасанинг гербли 
муҳри билан тасдиқланади. Китобнинг саҳифалари рақамланади, тикилади, 
Т(Ш)ХТБ раҳбари томонидан имзоланади ва муҳрланади. Китоблардаги 
хатоликлар тузатилганда раҳбар томонидан изоҳланади, имзоланади ва 
муҳрланади. Ушбу талабларнинг бажарилганлиги Комиссия томонидан 
таҳлил этилади ва тегишлича баҳоланади.