Наманган Мухандислик Педагогика Институти Касб таълими факультети

2.Biosferaning chegaralari. Biosferada moddalarning aylanma harakati 
 
Biosfera  mavjudligining  asosi  unda  modda  va  energiya  almashinuvidur.  Unda 
organizmlar  va  ularning  hayot  muhiti  o’zaro  bog’lanishda  bo’lib,  bir  butun  organiq 
harakatdagi  tizimni  vujudga  keltiradi. 
Biosferaga  xos  xususiyatlar  quyidagilar;  tirik  moddalarning  qatnashishi,  suyuq 
holdagi  ko’p  miqdordagi  suvning  mavjudligi,  kuchli  quyosh  energiyasi  oqimi  hamda 
moddalarning  qattiq suyuq va gaz holda uchrashidir. 
Biosfera  rivojlanishi  koinotga  bevosita  bog’liq.  CHunki,  yerga  zarur  energiya 
oqimi  keladi.  yerga  keladigan  energiyaning  asosiy  manbai  quyoshdir.  Ushbu energiya 
quyidagilarga  sarflanadi: 
-atmosfera,  gidrosfera  va  metosferadagi  sodir  bo’ladigan  fizik  va  kimyoviy 
jarayonlarga; 
-havo massalarining  aralashuviga; 
-suvning  bug’lanishiga; 
-gazlarning  ajralishi  va singishiga; 
-moddalarning  yerishiga. 
Umuman  yerdagi  har  qanday  jarayonlarning  manbai  va  boshlanishi  quyosh 
energiyasi  hisoblanadi. 
  Energiyaning  aylanishi  moddalarning  aylanishi  bilan  chambarchas  bog’liq. 
Moddalar  kichik  (biologik)  va  katta  doiralarda  (geologik)  aylanadi.  Biologik 
quruqlikda  tuproq  bilan  organizm  o’rtasida,  gidrosferada  esa  organizm  bilan  suv 
o’rtasida  sodir  bo’ladi.  Geologik  modda  aylanish  quruqlik  bilan  dunyo  o’rtasidagi 
jarayondir.  Demak, biosfera yaxlit,  bir butun hosila ekanligi  ravshan. 
  Inson  yer  yuzasidagi  hayot  rivojlanishi  (biogenez)ning  navbatdagi  bosqichi 
bo’lib,  eng  kuchli  tabiiy  omildir.  U  nafaqat  yer  sayyorasi,  balki  Koinotni 
o’zgartirishga  ham  qodir.  Hozirda  biosferani  noosfera  («fikrlovchi  qobiq»)  ga 
aylanishi  kuzatilmoqda.  V.I.Vernadskiyning  fikricha  noosfera  biosferaning  qonuniy 
rivojlanishi  natijasi  bo’lib,  inson  bilan  tabiatni  o’zaro  ongli  aloqa  munosabatlaridan 
iboratdir.