Pedagogika. Psixologiya

 

 

 

 

 

 

3 - Mavzu: 

Pedagogik texnologiyalar va Pedagogik muloqot

 

 

Reja: 

 

3.1. Pedagogik texnologiyaning mohiyati va uning tavsifiy jihatlari 

3.2. Ta'lim usullari va vositalari.   

3.3. Shaxsga yo'naltirilgan pedagogik texnologiyalar 

34. Muloqot – pedagogik hamkorlik vositasi sifatida. 

---

3.5. Muomala – muloqot va boshqarish vositasi. 

 

3.1. Pedagogik texnologiyaning mohiyati va uning tavsifiy jihatlari. 

Pedagogik  texnologiya  tushunchasi  XX  asrda  paydo  bo'ldi  va  1940 -1950  yillarda 

“ta'lim  texnologiyasi”  tarzida    qo'llanilib,  mazmunan  o'quv  jarayonida  audio-vizual 

texnika vositalaridan foydalanishni anglatgan. Atama dastlab AQSh, Angliyada qo'llana 

boshladi.  O'tgan  asrning  80-yillarida  pedagogik  texnologiya  kompyuterli  va  axborot 

texnologiyalari bilan sinonim tarzd a ishlatila boshladi. 

Dastlab «Texnologiya» tushunchasi fanga 1872 yilda kirib keldi va grekcha ikki so'zdan  - 

«texnos» -hunar va «logos»-fan, so'zlaridan tashkil topib, «hunar fani» ma'nosini anglatadi. Qator 

yillardan  beri,  pedagogik  texnologiyaga  o'quv  jarayonini    texnik  vositalar  yordamida  amalga 

oshirish,  deb  qarab  kelindi.  Faqat  70-yillardan  boshlab  pedagogik  adabiyotlarda  bu  tushuncha 

yangicha talqin etila boshlandi.  

3.2.  Ta'lim usullari va vositalari.   

Ta'lim jarayonida to'g'ri usul tanlar ekanmiz, ko'zlangan natijaga komil ishonch va qisqa 

yo'l bilan erisha olamiz. Pedagogika tarixidan, pedagogika amaliyotida ham o'qitish usullarining 

juda katta boyligi to'plangan. 

Ta'lim usuli deganda, ta'lim  jarayonida o'qituvchi va o'quvchilarning kutilgan maqsadga 

erishishga  qaratilgan  birgalikdagi  faoliyatlari  tushuniladi.  O'qitish  usullari  ta'lim  jarayonida 

o'qituvchi  va  o'quvchi-talaba  faoliyatining  qanday  bo'lishini,  o'qitish  jarayonini  qanday  qilib 

tashkil etish va olib borish kerakligini belgilab beradi.