Uzbekiston Respublikasi Oliy va urta maxsus ta'lim vazirligi

Ksantosifonlilar 

(Xanthosiphonophyceae)  va    shu  kabi  struktural  nomlar  bilan  atalgan.  Sariq-

yashil suvo„tlarining ichida ksantotrixiyalar va ksantosifonlilar sinflariga mansub 

bir qator vakillar O„zbekiston sharoitida keng tarqalgan. Ayniqsa, ksantosifonlilar 

sinfining  vakili  Vosheriya  (Vaucheria)  zax  erlarda,  issiqxonalarda  va  ariqlarda 

doimo  uchrab  turadi.  Vosheriyaning  tallomi  shoxlangan  ipsimon  ko„rinishda 

bo„lib,  substratga  tegib  turgan  joylarida  rangsiz  rizoidlar  hosil  bo„ladi.  Sifonal 

strukturali  bo„lganligi  sababli  iplarida  ko„ndalang  to„siqlar  bo„lmaydi,  lekin 

ko„payish  organlari  hosil  bo„ladigan  qismlari  to„siq  bilan  ajraladi.  Jinssiz 

ko„payishida  ipining  uchki  qismlari  to„siq  bilan  ajralib,  hamma  tomonida 

xivchinlari bo„lgan bir dona zoospora hosil qiladi. Zoosporasi ham Vosheriyaning 

tallomi  singari  ko„p  yadroli  bo„ladi.  Shuningdek,  Vosheriya  tallomida  ko„p 

miqdorda  disksimon  xromatoforlari  ham  bo„ladi.  Jinsiy  ko„payishi  oogamiya. 

Oogoniylari  ipining  ustki  qismida  sharsimon  o„simta  shaklida,  anteridiylari  esa 

shoxsimon buralgan ko„rinishda  bo„ladi. Yonma-yon joylashgan  ikkala  o„simta 

ham  tallomdan  to„siq  bilan  ajralib,  biri  spermatazoidlarni  ikkinchisi  esa  tuxum 

hujayrani  hosil  qiladi.  Otalangan  tuxum  hujayra  oosporaga  aylanadi  va  tinim 

davrini o„tgandan so„ng o„sib chiqadi. Ksantosifonlilar tartibiga mansub yana bir 

vakil  Botridium  (Botrydium)  bo„lib,  u  zax  joylarda,  ayniqsa  ariq  bo„ylarida  2 

mm  atrofidagi  sharchalarni  hosil  qiladi.  Ostki  qismida  kuchli  shoxlangan 

rizoidlari  bo„ladi.  Tallomida  esa  ko„pyadroli  va  ko„p  miqdordagi  disksimon  

xromatoforlari bor. Havo quruq bo„lgan paytlarda Botridiumlarning sitoplazmasi 

rizoidlariga  o„tib  ketadi.  Nam  sharoitda  esa,  ayniqsa  yomg„irdan  so„ng 

sitoplazmasi  shishib,  butun  borlig„i  zoosporaga  aylanadi  va  tepa  qismidan 

teshikcha  ochilib,  undan  zoosporalar  favvoraga  o„xshab  otilib  chiqadi. 

Zoosporalar substratga  yopishib,  yana botridiumning tallomini  vujudga keltiradi. 

Ayrim  ma‟lumotlarga  ko„ra  botridium  izogamiya  yoki  getrogamiya  usuli  bilan 

ko„payishi mumkin.