Toshkent davlat yuridik universiteti mamasiddiqov muzaffarjon musajonovich esanova zamira normurotovna

1)  Birinchi  instansiya  va  kassatsiya  instansiyasi  sudining 
kamchiliklari nimadan iborat? 
2)  Sud  qarorlarini  nazorat  tartibida  bekor  qilish  uchun  nima 
asos bo‘ladi? 
 
 
 

---

 
FUQAROLIK PROTSESSUAL HUQUQI  
 
 
20-BOB. SUD HUJJATLARINING IJROSI 
 
20.1. Sud hujjatlarini majburiy ijro etishning ahamiyati 
 
O‘zbekiston Respublikasi Fuqarolik protsessual kodeksining  5-bo‘limi 
“Sud  hujjatlarining  ijrosi”  deb  nomlanib,  unda  quyidagi  normalar 
belgilangan:  sud  hujjatlarini  ijroga  qaratish;  ijro  varaqasi;  ijro  varaqasi 
berish; sud tomonidan ijro varaqasini yuborish; ijro varaqasining yoki sud 
buyrug‘ining  dublikatini  berish;  ijro  varaqasini  ijroga  taqdim  etish 
muddati;  ijro  varaqasini  ijroga  taqdim  etish  muddatining  uzilishi;  ijro 
varaqasini  ijroga  taqdim  etishning  o‘tkazib  yuborilgan  muddatini  tiklash; 
hal  qiluv  qarorining  ijrosini  kechiktirish  yoki  uning  bo‘lib-bo‘lib  ijro 
etilishi,  uni  ijro  etish  usuli  va  tartibini  o‘zgartirish;  ijro  ishini  yuritishni 
to‘xtatib  turish  va  tugatish;  ijro  ishini  yuritishni  tiklash;  ijro  varaqasini 
qaytarib olish va yangi ijro varaqasi berish; qaytarma ijro; sud hujjatining 
qaytarma ijrosi to‘g‘risidagi masalaning birinchi instansiya sudi tomonidan 
hal  qilinishi;  sud  hujjatining  kaytarma  ijrosi  to‘g‘risidagi  masalaning 
apellatsiya,  kassatsiya  yoki  nazorat  instansiyasi  sudi  tomonidan  hal 
qilinishi;  alohida  toifadagi  ishlar  bo‘yicha  qaytarma  ijroning  o‘ziga  xos 
jihatlari va yo‘qolgan ijro ishini yuritishni tiklash. 
O‘zbekiston  Respublikasi  Prezidentining  2016-yil  21-oktabrdagi 
“Sud-huquq  tizimini  yanada  isloh  qilish,  fuqarolarning  huquq  va 
erkinliklarini  ishonchli  himoya  qilish  kafolatlarini  kuchaytirish  chora-
tadbirlari to‘g‘risida”gi PF–4850-sonli Farmonida 2017-yil  1-iyulga qadar 
elektron  tartibda  sud  va  ijro  ishini  yuritishning  zamonaviy  shakl  va 
usullarini,  shuningdek  odil  sudlovga  erishishning  ilg‘or  mexanizmlarini 
kengroq  joriy  etish  orqali  odil  sudlovni  amalga  oshirish  sifatini 
yaxshilashni nazarda tutuvchi takliflarni ishlab chiqish va kiritishi nazarda 
tutildi.