Кичик гуруҳ (3-4 ёш)

Ҳиссий ривожланиш. “Мен” концепцияси ёки ўз-ўзини англаш. 
Боланинг ўз ҳис-туйғулари ва кечинмаларини ифода этишини, ўз-ўзини 

---

87 
англай бошлаётганини, мустақил фаолият кўрсатишга интилишини, 
катталар ва тенгдошларининг диққатини жалб қилиши, ўз она юрти, 
оиласи, севимли ўйинчоқлари тўғрисида сўзлаб бериши ҳамда халқ 
анъаналари, урф-одатларига қизиқиш билдиришини рағбатлантириш. 
Мулоқот жараёнида боланинг “Мен”ини шакллантириш. 
Ўйин фаолиятида ўзи учун рол танлаш, ўз хатти-ҳаракатларига 
жавоб бериш, имконият ва ютуқларини турли фаолиятларда намоён 
қилиш, тенгдошларига нисбатан ҳурмат ва мойилликни ифодалашга 
ўргатиш. 
Ўғил болага (жасур, мард, зийрак, чаққон, қизларни ҳурмат қилиш) ва 
қиз болага (назокатли, мулойим, чаққон, саришта) хос бўлган 
фазилатларни тарбиялаш.
Болани ўзини англашга, ўз ҳиссиётларини ифодалашга (“Мен 
ёқтираман”, “Мен ёқтирмайман”), мустақил фаолият кўрсатишга (“Мен 
ўзим”), ўз ҳаракатлари учун жавоб бера олишга ўргатиш. Ўзига нисбатан 
ишонч уйғотиш (“Мен бажара оламан”). Болада ўзига нисбатан ҳурматни 
тарбиялаш. Масалан: тенгдоши уни кучи етмайдиган ёки нотўғри ишни 
бажаришга ундаса, хушмуомалалик билан ва айни вақтда қатъиян инкор 
қилиш. 
Ҳиссий ифодалаш. Болани ҳис-туйғулари ва кечинмаларини, 
кайфиятини сўз билан ифодалаш, ҳиссий ҳолат ва унинг сабаблари 
ўртасидаги боғлиқликни тушуниш, ота-онаси ва катталар билан самимий 
муносабат ўрнатиш, мулойим оҳангда сўзлашиш, одоб билан саволларга 
жавоб беришга одатлантириш.
Катталарнинг ҳиссий ҳолатини (севиниш, ғурурланиш, асабийлашиш 
в. б.) ҳис қилиш кўникмасини шакллантиришда давом этиш.
Дўстини қўллаб-қувватлашга, ижобий ҳис-туйғулар орқали ўртадаги 
низоларни бартараф қилишга, мулоқот пайтида мулойимлик билан 
ўртоғининг кўзига қараб, табассум билан, “Кел, ярашамиз” – каби
муомалани қўллашга ўргатиш.
Болани ўз ҳиссиётларини бошқара олишга, қувонч, ҳайрат, ҳаяжон, 
жаҳл, хафалик каби ҳиссиётларни тушунишга, жаҳли чиққанида, 
қўрққанида ўзини тута олиш (итармаслик, урмаслик, ўйинчоқни 
бошқалардан тортиб олмаслик, йиғламаслик)га ўргатиш. Хато қилса узр 
сўрашни, ўзидан кичикларга нисбатан яхши муносабатда бўлишни 
тарбиялаш.