Кичик гуруҳ (3-4 ёш)

Тарбиячи суҳбат ва ўйинлар орқали болада: 
ўзининг ташқи қиёфасини (Мен кимман? Мен қанақаман?) изоҳлаш
малакасини; 
ўзи ва атрофдагиларнинг ҳиссий ҳолатларини ҳис қила билишни; 
ўзини англаш қобилиятини шакллантириши лозим. 
ўзи ёқтирган нарсалар (Менга нима ёқади? Нима ёқмайди?) ҳақида 
гапириб беришга ундаши. 
Ўқув йили охирида бола: 

---

88 
- оила аъзоларига нисбатан меҳрли муносабатни намоён этади, 
уларнинг илтимосларини бажаришга ҳаракат қилади; 
- оиласи ва яқинлари нимани яхши кўриши ва ёқтирмаслиги ҳақида 
сўзлаб беради; 
- ёрдам сўраб таниш катталарга мурожаат этади; 
- мулоқотда нутқдан фойдаланади; 
- оғзаки кўрсатма бўйича буюмлар билан ҳаракат қилади; 
- катталар билан жуфтликдаги ўйинларга фаол киришади; 
- ўйинчоқларини ўртоқлари билан ўйнайди;
- ўйин вақтида ҳамкорлик қилади, ролларни тақсимлаш ва ўйин 
мазмуни юзасидан келишади; 
- ҳис-туйғулари ва кечинмаларини ифодалайди; 
- ўзининг қайси жинсга мансублигини билади; 
- ўйинларда роль бажаришни ўз зиммасига олади; 
- ўз ҳаракатлари учун жавоб беради; 
- кўзгудаги аксини таърифлай олади; 
- она юрти, севимли ўйинчоқлари тўғрисида айтиб беради, халқ 
анъаналари, урф-одатларига қизиқиш билдиради; 
- тенгдошининг салбий юриш-туриши ҳақида фикрларини айтади; 
- яқинлари ва қариндошларига нисбатан меҳр кўрсатади; 
- жаҳл, қувонч, ҳайрат, хафалик каби ҳиссиётларни тушунади. 
 
Нутқ, ўқиш ва саводга тайёргарлик 
(4-5 ёш) 
Нутқ. Бу ёшда бола атрофдагилар билан мулоқат қилишга кириша 
бошлайди. Боланинг теварак-атрофдаги нарса ва ҳодисалар ҳақидаги 
тасаввурларини кенгайтириш асосида сўз бойлигини ошириш ва
фаоллаштириш. Катталар ва тенгдошларининг нутқини тинглаш ва 
тушуниш; савол ёки илтимос билан мурожаат қилиш; ўзининг ҳатти 
ҳаракатларини, фаолиятини сўз билан ифодалаш; табиат ҳодисаларидан 
таъсирланиб, ўз ҳиссиётларини содда гапларда ифодалаш; кичик ҳикоя 
тузиш, хилма-хил буюмлар ва расмларни диққат билан кўриш малакасини 
ҳосил қилиш муҳимдир. Ушбу кўникма ва малакаларни ҳосил қилувчи 
муҳит яратиш мақсадида турли таълимий ўйинлар ўтказилади.