Кичик гуруҳ (3-4 ёш)

Қоматни тўғри тутиш. Катталарнинг назорати остида жисмоний 
машқларни мунтазам бажариш. Тўғри қоматни шакллантириш, 
ясситовонликни олдини олишга имкон берадиган машқлар бажартириш. 
Машғулотларда қоматни тик тутиш, бошни ҳаддан ташқари қуйи эгмаслик, 
кўкрак билан стол четларига суянмаслик, оёқларни тўғри қўйиб ўтириш. 
Ҳаракатлантирувчи тартиб. Ҳар кунги сайрларда иштирок этиш. 
Ҳаракатли ўйинларда ўйинчоқлар, жисмоний машқларда спорт анжомлари 
билан фаол иштирок этиш.
Маданий-гигиеник 
кўникмаларни 
ривожлантириш. 
Болани 
эслатишсиз юзини ва қўлларини совунлаб ювишга, тиш чўткасидан 
фойдаланиб тишларини тозалашга, қошиқдан фойдаланган ҳолда тартибли 
овқатланишга, ўйинчоқларини ўйнаб бўлгандан кейин жойига олиб 
қўйишга, дастрўмолча ва ҳожатхона қоғозидан фойдаланишга, йўталганда, 
аксирганда оғзи ва бурнини дастрўмолча ёки салфетка билан беркитишга 
одатлантириш. 
Маълум изчилликда кийимни ечиш, таҳлаш, жойига осиб қўйишни; 
тугмани ечиш ва қадашни, оёқ кийимлари ипини ечиш ва боғлашни 
ўргатиш. 
Ечиниш 
ва 
кийинишда 
аста-секин 
мустақилликни 
шакллантириш. 

---

57 
Болани озода ва тартибли бўлишга одатлантириш. Кийимдаги 
бетартиблик (тугмачанинг нотўғри қадалгани ёки ечилиб кетгани, ёқанинг 
қайрилиб қолгани, оёқ кийимининг лой ёки чанглиги)ка эътибор бериш, 
кўзгуга қараб, кийими, соч турмагини тартибга келтириши, уларни 
мустақил тўғрилаш ёки ёрдам сўраб катталарга мурожаат қилиш 
кўникмасини шакллантириш. 
Шахсий гигиена: 
- 
овқатланишдан олдин, ҳожатхонага боргандан сўнг ва қўл 
ифлосланганда (жониворлар билан ўйнагандан кейин, сайрдан сўнг) 
қўл ювиш; 
- 
қўл ва оёқ тирноқларини ўз вақтида олиш (катталар кўмагида); 
- 
ювиниш, кийиниш, чўмилиш жараёнларини тўғри айта олиш ва 
билиш малакаси; 
- 
ювиниш учун зарур бўладиган нарсалар (совун, сочиқ, мочалка 
в.б.)ни билиш; 
- 
юз ва қўлни ювиш, ювингандан кейин артиниш, сочиқни мустақил 
равишда олиш ва осиб қўйиш; 
- 
шахсий буюмлардан (дастрўмол, тароқ ва шу кабилардан) 
фойдаланиш, тоза сақлаш; 
- 
тиш чўткасидан фойдаланишни ўрганиш, қаттиқ нарсаларни 
тишламаслик; ширин нарсаларни кўп емаслик; 
- 
иссиқ ва совуқ овқатларни кескин алмаштиришга йўл қўймаслик; 
- 
шикастланган тишларни ўз вақтида даволатиш; 
- 
озода, чиройли либосдан қувониш, сочларни тартибли турмаклаб 
юриш; ифлос кийимбош, кир қўлларни, таралмаган сочларни, 
тартибсизликни бартараф этиш (катталардан ёрдам сўраш); 
- 
тоза дастрўмолдан фойдаланиш ва уни чўнтакда олиб юриш.