Кичик гуруҳ (3-4 ёш)

Гавдани ривожлантирувчи машқлар. Ўнг ва чапга бурилиш; ён 
томонга энгашиш; қорин билан ётган ҳолда қўлларни олдинга узатиш ва 
оёқларни кўтариш; ёнбошдан-ёнбошга ағдарилиш. 
Сафланиш ва қайта сафланиш. Бир-бирининг кетидан туриш, 
доирага кетма-кет сафланиш.
Майда моторикани ривожлантириш. Лой ёки пластилиндан бўлакча 
юлиб олиш, пачоқлаш, узиб олиш ва чўзиш усулида турли шаклчаларни 
ясаш; кафтлар орасида бир бўлак лой ёки пластилинни тўғри ёки доира 
шаклида юмалатиб ёйиш, тайёр қисмларни бир-бирига улаш;
мунчоқларни 
ипга териш; қаламни тўғри ушлашга ҳаракат қилиб чизиқ чизиш, шиша 
қопқоғини очиш, бураш ва ёпиш, пиёлани бир қўлида ушлаб туриш; 

---

56 
коптокни қўлларида ушлаш ва олдинга ташлаш каби ҳаракатларни 
бажартириш тавсия этилади. 
Сенсомоторикани ривожлантириш. Бўйнини бурмасдан туриб, кўзлар 
билан буюмни кузатиш; кўзларини чап ва ўнг томонга ҳаракатлантиришни 
таклиф қилиш; айрим мусиқа асбобларининг овозига тақлид қилишини 
рағбатлантириш; боланинг эътиборини буюмлар турлича ёритилганда 
хилма-хил кўринишга эга бўлишига қаратиш, болага ёруғлик ва соя 
тўғрисида тушунча бериш. 
Чиниқтириш ва соғломлаштириш ишларини ташкил этиш. 
Эрталабки бадантарбия. Бадантарбияни очиқ ҳавода, енгил 
кийимда, ҳаракатларни намунага мувофиқ аниқ, изчил бажариш. Болани 5 
дақиқа 
давомида 
ўйин 
характеридаги 
машқларни 
бажаришга 
одатлантириш. Тарбиячига тақлид қилиб биргаликда ҳаракат қилиш 
кўникмасини ўстириш, ҳаракатли ўйинларда иштирок этишга ҳамда ўйин 
топшириқларини бажаришга ўргатиб бориш. Ҳар куни ўтказиладиган 
бадантарбияни сув муолажалари билан тугаллаш (катталар кўмагида). 
Чиниқтириш. Ҳаво, қуёш, сувдан фойдаланган ҳолда чиниқтириш 
тадбирларини амалга ошириш. Қуёшда чиниқтириш асосан эрталабки сайр 
вақтида боланинг турли фаолиятлари жараёнида ўтказилади. Қуёшда кун 
давомида 5-10 дақиқа бўлишлари мумкин.
Болани юз қўлларини мустақил ювишга одатлантиришда давом этиш. 
Сувни сачратмаслик, совундан тўғри фойдаланиш, баданини хўл сочиқда 
артиш, ёз ойларида очиқ ҳавода иложи борича кўпроқ бўлиш, чўмилишга, 
душдан фойдаланишга ўргатиш. Очиқ сув ҳавзаси (бассейнда)да чўмилиш 
(гигиена талабларига амал қилган ҳолда). Чўмилиш давомийлиги 5-10 
дақиқа. Чўмилиш эрталабки сайрдан сўнг тушликдан олдин ўтказилади.