Кичик гуруҳ (3-4 ёш)

Йил охирида бола: 
- катталарнинг нутқини тушунади, сўз бўлакларини ва 1-2 
бўғиндан иборат оддий сўзларни айта олади; 
- маълум ҳаракатларни ифодалайдиган сўзларни тушунади; 
- эшитган оддий, қисқа мурожаатларни такрорлайди ва уларни 
бажаради;
- 2-3 та сўздан иборат гапларни айтади; 
- расмни ёки фотосуратни 2-3 та сўз ёрдамида тушунтиради; 
- халқ қўшиқлари, қисқа эртак ва ҳикояларни тинглайди, 
тушунади;
- саволларга 2-3 та сўз билан жавоб беради; 
- ёрқин расмлар билан безатилган китобларни томоша қилади, 
расмларда акс эттирилган нарсаларни танийди; 
- ёзма матн, ҳарф ва рақамларга қизиқиш билдиради; 
- қалам ва ручкани ушлайди, қалам ёки мўйқалам билан “расм” 
чизишга ҳаракат қилади.
 
Билиш жараёни ва атроф-муҳит тўғрисидаги 
билимларга эга бўлиш 
(1-2 ёш) 
Элементар математик кўникмалар ва билимларни ривожлантириш.
Боланинг ақлий ривожланишига ёрдам берадиган ўйинчоқлар билан 
ўйнашига шароит яратиш. Икки-уч қисмли ўйинчоқларни (2-3 та 
ҳалқалардан пирамида) йиғиш, қутичаларга мос қопқоқларни танлаш, 
катталарнинг илтимосига кўра буюмларни йиғиш, олиб бериш ва 
жойлаштиришни; ўйинчоқлар турадиган жойларни топишни ўргатиб 
бориш. Ўйинчоқларнинг ва буюмларнинг кўп-камлиги, катта-кичиклигини 
фарқлашни ҳамда айтишни ўргатиш. 
Кубиклар, пирамидалар билан ўйинлар ўйнаш, ўйинчоқларни, 
буюмларни узатишни (“Битта кубикни олиб бер”, “Иккита ҳалқани 
узат”) сўраш, ўйинчоқларни саралаш ёки ўлчами (катта-кичиклиги)га 
қараб жойлаштиришга ёрдам бериш, боланинг муваффақиятли 
ҳаракатларини қўллаб-қувватлаш ва мақташ. 
Йил охирида бола: 

---

31 
- икки, уч қисмдан иборат бўлган ўйинчоқларни (икки, уч ҳалқали 
пирамидалар) йиға олади; 
- катталарнинг илтимосига кўра буюмларни йиғади ва олиб келади; 
- нарсаларни териб қўяди ва улар билан ҳаракатлар бажаради;
- буюмларни катта-кичиклигига қараб гуруҳларга ажратади; 
- қутичаларга худди шундай шаклдаги қопқоқларни танлаб олади; 
- “кўп” ва “кам” сўзларининг маъносини тушунади;
- ўйинчоқлар турадиган жойни топа олади.