Кичик гуруҳ (3-4 ёш)

 
Атроф-муҳитни ўрганиш ва англаш 
(1-2 ёш) 
Боланинг атроф-олам ҳақидаги илк тасаввурларини шакллантириш. 
Болага катталар билан саломлашишни, миннатдорчилик билдиришни, 
китобдаги расмларни томоша қилишни, таниш образга қараб уларнинг 
ҳаракатларини ифода эта олишни (айиқча ўйнаяпти, қуёнча сакраяпти), 
яқин атрофдаги буюмларнинг номини айтиш ва кўрсатишни, ўзининг 
кўринишидан, кийимидан, чиройли қўғирчоқлар ва ўйинчоқлардан 
завқланишни ўргатиш. Ўзининг тана аъзолари (қулоқлари, кўзлари, бурни, 
оғзи, қўллари, оёқлари)ни тўғри кўрсатишни машқ қилдириш.
Йил охирида бола: 
- катталарга салом беради; 
- миннатдорчилик билдиришни билади; 
- китобдаги расмларни томоша қилади; 
- таниш буюмларнинг номини айтади ва кўрсатади; 
- ўзининг кўринишидан, кийимидан, чиройли қўғирчоқлар ва 
ўйинчоқлардан завқланади;
- тана аъзолари (қулоқлари, кўзлари, бурни, оғзи, қўллари, оёқлари)ни 
тўғри кўрсатади.
 
Табиат билан таништириш 
(1-2 ёш) 
Жонсиз 
табиат. 
Боланинг 
сув 
ҳақидаги 
тасаввурларини 
кенгайтириш: сув тўкилади, тошиб кетади, сачрайди. Сувни ҳамма – 
одамлар, ҳайвону паррандалар, ўсимликлар ичади. Биз тоза, озода бўлиш 
учун сувда ювинамиз, чўмиламиз. Сув ниҳоятда керакли, улуғ 
неъматлардан бири ҳисобланади. Уни исроф қилмай, аяб ишлатиш 
зарурлиги ҳақида кичкинтойнинг ёшига мослаб, қизиқарли тарзда тушунча 
бериш.
Бола билан йилнинг барча фаслларида сайр қилиш ва айрим табиат 
ҳодисаларини тушунарли қилиб изоҳлаш. Ҳаводаги ўзгаришларни 
(масалан, қор ёғаётганда дарахтлар, йўлкалар оппоқ қор билан 
қопланади; ёмғир ёғаётганда ер ҳўл бўлади) кузатиш ва тушунтириш. 
Болага жонли ва жонсиз буюмларни кўрсатиш. Атрофдаги ўзаро 
боғлиқлик (агар ниҳолга сув қуйиб турилса ўсади, аксинча, сув қуйилмаса 
сўлиб қолади)лар ҳақида дастлабки тушунчани бериш.

---

32 
Жонли табиат. Жонли оламни кузатишга қизиқиш уйғотиш. Расмда 
акс эттирилган ёки атрофдаги ҳайвонлар (мушук, кучук), паррандалар 
(товуқ, хўроз), дарахт ва гулларни кўрсатиш (гул, дарахт) ва таништириш. 
Боланинг баъзи ўсимлик ва ҳайвонлар номларини айтишини 
рағбатлантириш. 
Сабзи ва олманинг ташқи кўриниши, номи, таъми билан 
таништириш.
Болани қуш, мушук, кучукни асл кўринишидан, расм ва
ўйинчоқларидан таниб кўрсатишга ўргатиш, жониворлар танасининг 
асосий қисмларига, ўзига хос фарқловчи белгилари (дум, қанот), ҳаракати 
(югуради, учади)га қаратиш, номларини айтишга ўргатиш.