Кичик гуруҳ (3-4 ёш)

Мусиқий таълимий ўйин. Болани қўшиқларни саҳналаштиришга, 
давра қўшиқларида сўз, мусиқа ва ҳаракат уйғунлигини чиройли 
ифодалашга қизиқтириш. Таълимий ўйинларда мусиқа машғулотининг 
барча бўлимларида олган билимларини мужассам ҳолда намоён этишга 
ўргатиш. (“Мусиқали лото”, “Дирижёр”, “Қўғирчоқ-ўйинчоқ”, “Куйини 
топ”, “Мусиқали эртак”). 
Образли ҳаракатларни бажаришда болани умумийликдан мустақил ва 
якка бажариш сари етаклаш. Болада образли тасаввур, мустақил фикрлаш, 
ижодкорлик ҳусусиятларини ривожлантириш. 
 Мусиқий-таълимий ўйинлар воситасида мусиқий ва номусиқий 
товушлар ҳақидаги тушунчаларини кенгайтириш (“Товушлар қаерда 
яшайди?”, “Бармоқлар”, “Узун-қисқа таёқчалар”), чолғу асбоблари 
ҳақидаги билимларини аниқлаш (“Қайси чолғу чаляпти?”, “Сирли 
қутича”), мусиқий хотирани ривожлантириш (“Куйини топ”, “Акс садо”), 
темп ва тембрни фарқлаш кўникмасини (“Дўстингни овозидан топ”) 
мустаҳкамлаш.
Мусиқага оид маълумотлар. Нота ва товушқатор билан 
таништириш. Мусиқа жанрлари (марш, қўшиқ, рақс) ҳақидаги 
тушунчаларини аниқлаш ва мустаҳкамлаш; зарбли оркестр, халқ чолғулари 
ҳақидаги тушунчаларини кенгайтириш. Опера ва балет ҳақида маълумот 
бериш. 
Болада мусиқий ва шовқинли товушлар ҳақида тасаввур пайдо қилиш 
ва уларни фарқлашга ўргатиш. Товушнинг баландлик, тембр, динамик 
хусусиятларини боланинг ёши ва имкониятига мос ҳолда, кўргазмалилик, 
қизиқарли воқеалар мисолида тушунтириш. 
Фортепиано, доира чолғулари ҳамда металлофон, бубен, қўнғироқча 

---

148 
каби болалар чолғулари ижросидаги куйлардан баҳраманд қилиш. 
Марш, рақс, қўшиқ ҳақидаги тушунчаларини кенгайтириш.  
Ўқув йили охирида бола:
- таниш мусиқа асарини астойдил тинглайди ва уларга нисбатан
эмоционал муносабат билдиради;
- мусиқий ва шовқинли товушларни ажрата олади;
- мусиқа асар мазмунини тушунади ва кайфиятини фарқлайди; 
- турли жанрларни (марш, вальс, полька, алла) идрок этади; 
- ўзи ўрганган қўшиқдан парчани мустақил куйлайди; 
- мусиқа асбобларига қизиқади ва уларда ижро этишга ҳаракат қилади; 
- мусиқали ва кўргазмали фаолиятларда иштирок этишга қизиқади; 
- рақс ҳаракатларини мустақил бажаради; 
- тинглаган куй ва қўшиқнинг номи ва ижодкорини билади;
- нота ва товуш қатори ҳақида дастлабки тушунчага эга;
- вокал ва чолғу мусиқасини фарқлай олади; 
- оркестр ва хор ҳақида умумий тушунчага эга; 
- мусиқага мос мустақил ҳаракатлана олади; 
- айрим симфоник оркестр ва ўзбек халқ чолғу асбобларини танийди 
ва номини билади (скрипка, барабан, доира, дутор, карнай, най); 
- турли образли ҳаракатлар ўйлаб топади; 
- байрам эрталиклари ва кўнгил очиш соатларида фаол иштирок 
этади.