Кичик гуруҳ (3-4 ёш)

Аппликация. Боланинг қоғоз қирқиш ва тасвир ҳосил қилишга оид 
кўникма ва малакаларини шакллантириш. Бирон-бир нарсанинг тасвирини 
қисқа ва узун йўл-йўл чизиқ бўйлаб кесишга; квадратдан доиралар, тўғри 
тўртбурчакдан овал шаклини қирқишга; қисмлардан тасвир (байроқ), икки-
тўрт учбурчакдан квадрат ҳосил қилишга ўргатиш.
Болани симметрик шаклдаги нарсаларнинг (гулдон, пиёла в.б.) 
силуэтини кесишга ўргатиш. Масалан, гулдон ҳосил қилиш учун тўғри 
тўртбурчакни узунасига буклаб, букланган тарафига гулдон расмининг 
ярми қаламда чизилади ва чизиқ бўйлаб қирқилади. 
Гулқоғозни қат-қат қилиб тахлаб қирқиш йўли билан маржонгул, арча 
ўйинчоғи ва бошқаларни ҳосил қилиш. 
Образни ифодали тасвирлаш учун аппликацияни узиб олиш 
усулларидан фойдаланишга; сюжетли композиция тузишга ўргатиш. Турли 

---

142 
шакллар қирқиш, япроқ ва гуллардан нақшлар тузишга оид кўникмаларини 
мустаҳкамлаш. 
Аппликация ишларида расм чизиш элементларидан фойдаланиш 
мумкин. Масалан, гулдондаги гулларни ясашда, гулдон, гул ва баргларни 
қоғоздан қирқиш, гулнинг новдаларини мўйқалам учи билан чизиш. 
Варрак силуэтини ясашда ҳам баъзи элементларни мўйқалам ёки қалам 
билан чизиш мумкин, масалан: ипини, думини.
Квиллинг усули билан таништириш ва нарсалар (гулдондаги гуллар, 
гилам) ясашга қизиқтириш. Қат-қат қилиб тахланган қоғоздан тасмалар 
қирқиб, уни қаламга ўраб шакл чиқара олишга ўргатиш. 
Болани махсус идишдан елимни сиқиб чиқаришга, нарсаларни оҳиста 
ва сифатли елимлашга ўргатишда давом этиш. 
Кичик гуруҳчалар таркибида композициялар (гулзор) тузиш. Жамоа 
бўлиб мактабгача таълим муассасасида ўтказиладиган байрамлар учун 
турли безаклар, ота-оналарга ва дўстларига совғалар тайёрлаш ҳамда 
гуруҳ хоналарини жиҳозлашда болаларнинг мустақил фаолиятини 
рағбатлантириш.