Кичик гуруҳ (3-4 ёш)

Спорт машқлари. Велосипед ҳайдаш. Икки ғилдиракли велосипедда 
тўғри, муюлишлар билан, айлана бўйлаб, илонсимон усулда ҳайдашга 
ўргатиш.
Сузиш. Сувда нафас чиқариш, қўл ҳаракатларини ўрганиш ҳамда 
эркин усулда сузиш, кўкраги ва орқа томони билан ҳамда галма-гал нафас 
олиб, нафас чиқариб сузишга ўргатиш.
Майда моторикани ривожлантириш. Болада ўйинчоқлар ва буюмларни 
ўз вазифасига кўра ишлатиш; қоғоздан оддий конструкцияларни ясаш, 
қайчини бир қўлида ушлаб, белгиланган чизиқлар бўйича қоғозни кесиш, 
камида 16 та бўлаклардан шакл йиғиш, майда мунчоқларни ипга ўтказиш 

---

114 
кўникмаларини мустаҳкамлаш; махсус идишлардан елим, тиш пастаси ёки 
бўёқни сиқиб чиқаришига, сувни бир идишдан бошқа идишга тўкмасдан 
қуйишга эътибор бериш. 
Сенсомоторикани ривожлантириш. Болани турли ҳажмдаги коптоклар, 
қум солинган қопчалар билан таъминлаш; катта-кичик миноралар, турли 
шакллардан бинолар қуришга; хамир, пластилин (лой)дан шакллар ясашга,
сайр вақтида асфальтга расм чизишга ва бўяшига имкон бериш, қалам ва 
рангли бўрларни бераётганда буюмларни қандай чизиш кераклигини 
ўргатиш. 
Чиниқтириш ва соғломлаштириш ишларини ташкил этиш. 
Эрталабки бадантарбия. Ҳар куни катталар назоратида эрталабки 
бадантарбия машқларини очиқ ҳавода, гиламча устида, енгил кийимда, 
буюмлар билан (буюмларсиз) бажариш, машқларни сув муолажалари 
билан тугаллаш. Муайян изчилликда қоматни тўғри тутган ҳолда 
машқларни бажариш. 
Чиниқтириш. Хонада енгил кийимда бўлиш, дераза дарчасини очиб 
қўйиш. Кийим ва пойабзални мавсумга ва машқ турига мувофиқ танлаш. 
Юз, бўйин, қўлни тирсаккача совуқ сув билан ювиш. Бадантарбиядан сўнг 
дарҳол уй ҳароратидаги сувда ҳўлланган кичикроқ пахмоқ сочиқ билан 
тана аъзоларини артиш: аввал қўлларни, кейин баданни қуруқ сочиқ билан 
тана қизаргунча, тезда қуруқ қилиб артиш. Катталарнинг назорати остида 
чўмилиш ва унинг асосий қоидаларига риоя қилиш. Ялангоёқ юрганда 
оёқни шикастлантиришдан эҳтиёт қилиш.