Кичик гуруҳ (3-4 ёш)

Йирик моторикани ривожлантириш. Бола ўз танасини бошқаради 
ва маълум мақсад сари аниқ ҳаракатланади. У юриш, югуриш, юмалатиш, 
ирғитиш, илиб олиш, эмаклаш, тирмашиш, мувозанат сақлаш каби асосий 
ҳаракатга доир машқларни бажара олади.
Боланинг спорт турлари билан шуғулланишига кўмаклашиш; 
жисмоний чиниқиши учун очиқ ҳаводан самарали фойдаланиш: сайрга, 
кичик сафарларга, экскурсияга олиб бориш; очиқ ҳавода мусобақалар,
ҳаракатли ва эстафетали ўйинларни ташкил қилиш, сузишни ўрганишини 
ташкил этиш; мусиқа оҳангига мос жисмоний ҳаракатларни бажаришини 
рағбатлантириш, спорт анжомлари билан таъминлаш, турли спорт 
анжомларидан фойдаланиш имкониятини бериш. 
Асосий ҳаракатларга доир машқлар 
Юриш машқлари. Оддий гимнастик қадам ташлаб юриш; олдинга, 
ёнга, орқага, доира бўйлаб, енгил қадам ташлаб юриш; бир қаторда ва 
жуфтликда, оёқларини олд томон ташлаб шахдам юриш, оёқ учларида 
юриш, катталарнинг кўрсатмасига қараб юриш; тезлиги ва йўналишини 
ўзгартирган ҳолда юриш; юриш вақтида мувозанатни сақлаш. Гимнастика 
ўриндиғида тик туриш, оёқ учида туриш, гимнастика ўриндиғи устидан 
юриб ўтиш, қўллар белда, кўзни юмиб юриш кўникмаларини таркиб 
топтириш. 
Югуриш машқлари. 1,5 дақиқа давомида секин югуриш; 30-40 м 
масофага ўртача тезликда югуриш; буюмлар орасидан, уларга тегиб 
кетмасликка ҳаракат қилган ҳолда югуриш; 10мх3 масофага бориб-келган 
ҳолда югуриш; секин, ўртача ва тез югуришга; ким ўзарга югуришга 
ўргатиш; югуриш вақтида мувозанатни сақлаш.
Сакраш машқлари. Турли усулларда: икки оёғида, бир оёғида 
олдинга ҳаракатланиб, бир оёғини иккинчи оёғига алмаштириб сакраш; 
чизиқлар устидан; паст буюмлар устидан сакраб ўтиш ва сакраб тушиш; 
югуриб келиб баландлик ва узунликка сакраш.

Отиш, илиб олиш ва ирғитиш машқлари. Тўпни бир қўл билан 

---

113 
отиш ва илиб олиш; бир қўлидан бошқа қўлига ирғитиш; коптокни ўз 
шеригига турли ҳолатларда ирғитиш; бир жойда туриб ёки олдинга 
ҳаракатланиб, полга, ерга уриш; икки қўли билан илиб олиш, бу жараёнда 
(юқорига отиб тушгунга қадар) чапак чалиш ва бошқа топшириқларни 
бажариш.