Кичик гуруҳ (3-4 ёш)

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

---

15 
БОЛАНИНГ ОЛТИ ОЙЛИКДАН ЎН ИККИ ОЙЛИККАЧА
БЎЛГАН ДАВРДА РИВОЖЛАНИШИ 
 
Жисмоний ривожланиш, ўз-ўзига хизмат ва гигиена 
(6 ойликдан – 12 ойликкача) 
Бола олтинчи ойга қадам қўйганда вазни тахминан 5,5 - 7 кг, бўйи 
65-70 см бўлади. 6 ойлик бола жисмоний ва руҳий жиҳатдан жуда тез 
ривожланади, тақлид қилиш ҳаракатлари пайдо бўла бошлайди. Бола жуда 
кўп ҳаракатларни ва нутқни асосан тақлид қилиш орқали эгаллайди. Бу 
ёшдаги кичкинтойнинг руҳияти фаол ҳаракатлари, атрофидаги нарсаларни 
кўпроқ билиши жараёнида ривожланар экан, унинг эркин ҳаракатлари 
учун қулай шароит яратиш муҳим. 
Боланинг эмаклай бошлаши – унинг ҳаракат фаоллигини оширади, 
мускулларининг ривожланишига ва келажакда тўғри қадди-қоматнинг 
шаклланишига 
ёрдам 
беради. 
Шунингдек, 
гўдакнинг 
билиш 
имкониятларини кенгайтиради, 
асаб тизимининг ривожланишига 
сезиларли таъсир қилади.
Гўдак бир ҳолатдан иккинчи ҳолатга бемалол ўтади; тизза ва 
кафтларини ерга тираб тура олади, ётган ҳолатдан эмаклашга ўтади, 
мустақил ўтиради, ўтирган жойида ётиб олади. Бола икки қўли билан 
буюмларни ҳаракатлантиради; қутичани очиб буюмни олади, шиқилдоқни 
шиқиллатади, коптокни юмалатади; битта буюм билан турлича ҳаракат 
қилади: босади, ирғитади, бир-бирининг ичига солади; ўйинчоқни томоша 
қилади, у қўлидан бу қўлига ўтказади, товуш чиқарадиган резина 
ўйинчоқларни эзғилайди; қўл кафтлари ва тиззаларида тура олади, 
чайқалади, олдинга кейин орқага, ҳар хил йўналишларда ва турли 
юзаларда эмаклайди, ўйинчоқни олиш учун стол тагига энгашади ва катта 
ёшдагиларнинг ёрдамисиз яна туриб олади; мустақил биринчи қадамини 
босади.