Кичик гуруҳ (3-4 ёш)

Йирик 
моторикани 
ривожлантириш. 
Бола 
гавдасини 
бошқараётганда мувозанат сақлашга интилишини, тана аъзоларини 
мақсадли ҳаракатлантиришини рағбатлантириш. Болага оёғи ва қўлидан 
эркин фойдаланиб тана ҳолатини ўзгартиришига, кичкинтойлар учун 
мўлжалланган паст нарвончага, буюмлар устига (баландлиги 0,6 м) 
мустақил тирмашиб чиқиши ва тушишига; қўлларини юқорига кўтариб, 
туширишга; катталар кўрсатган йўналишда мустақил юришга, юқорироқ 
жойда турган буюмни олиш учун оёқларининг учида туришга, аравача 
кетидан юриш ва юриш вақтида тўсиқларни айланиб ўтишга, катталар 
ёрдамида зиналарга чиқиш ва тушишга шароит яратиш. 
Боланинг йирик моторикасини ривожлантириш учун қуйидаги 
машқлардан фойдаланиш мумкин: ёқтирган ўйинчоғи ёнига эмаклаб 
келишини таъминлаш; биргаликда турли ўйинлар ташкил қилиш; болага 
“Ёнимга кел”, “Ўриндиққа ўтир” каби оғзаки кўрсатмалар бериш; паст 
буюмлар устидан ҳатлаб ўтишни ўргатиш ва уларнинг ўлчамларини аста-
секин ошириб бориш; ўзи қизиқаётган буюм томонга энли хода устидан 

---

16 
эмаклаб боришига имкон бериш; мусиқа садолари остида ритмик 
ҳаракатларни бажариш, рақс тушиш ва қўлларини шўх силкитишини, 
қорнида ётган ҳолатдан ағдарилиб, ўтириш ҳолатига ўтиши, сўнг тик 
туриб олишини рағбатлантириш; мустақил равишда ўрнидан туришга 
ундаш; биринчи қадамларини босаётганда, суяниб олиши мумкин бўлган 
турғун қаттиқ предметлар (диван, кресло в.б.) бўлишини таъминлаш, 
кичкинтойнинг бир буюмдан бошқа буюмгача мустақил юриб боришини 
назорат қилиш; ўтирганда унга коптокни енгил ирғитиш, коптокни тутиб 
олишга қизиқтириш; ўриндиқдаги ўйинчоқни тирмашиб чиқиб олишига 
имконият яратиш.
Катталар бола билан биргаликда турли қувноқ ўйинлар ўйнаши, 
юқорироқдаги ўйинчоқни қўллари билан олиши; хонада тегишли тўсиқлар 
жойлаштириб, бола тўсиқ сари бориши ва унга урилмасдан айланиб 
ўтишини таъминлаши; кичкинтойнинг кайфиятини кўтариши, илк 
муваффақиятларини мақташи ниҳоятда муҳим.