Kompleks birikmalar kimyosi

5440400-Kimyo ta’lim yo‘nalishi uchun Kompleks birikmalar kimyosi 
fanidan tayyorlangan o‘quv-uslubiy majmua annotatsiyasi 
 
Kimyo ta’lim yo‘nalishi talabalari Kompleks birikmalar kimyosi fanini 
8-semestrda o‘tadilar. “Kompleks birikmalar kimyosi” fani bo‘yicha 
o‘zlashtirish jarayonida amalga oshiriladgan masalalar doirasida talabalar, 
kompleks birikmalar kimyosining tarixini, koordinatsion nazariyaning asosiy 
tushunchalarini, koordinatsion birikmalarning asosiy kimyoviy xossalarini, 
ular ishtirokida boradigan jarayonlarning mexanizmlari va koordinatsiyaga 
uchragan alohida ligandlarning reaksion qobiliyatini tushuntira va 
koordinatsion birikmalarni ishlatilish sohalarini bilishi kerak; talaba 
kompleks birikmalarning sintez qilish shart-sharoitlarini aniqlash, kompleks 
birikmalarni sintez qilish, olingan kompleks birikmalarning tarkibi, 
tuzilishini aniqlashda zamonaviy fizik-kimyoviy tadqiqot usullarini qo‘llash 
malakalariga va tasavvurlarga ega bo‘ladilar. 
Ushbu o‘quv-uslubiy majmuada 5440400-Kimyo ta’lim 
yo‘nalishining o‘quv rejasi va namunaviy dasturi asosida tuzildi. 

---

 
171 
Majmuaning hajmi ….. betni tashkil qiladi. Majmuaga kimyo fani bo‘yicha 
davlat ta’lim standarti, fan o‘quv dasturi va ishchi dasturi, ma’ruzalar matni, 
laboratoriya mashg‘ulotlari uchun metodik tavsiyanoma va seminar 
mashg‘ulotlari uchun ishlanma, kalendar reja, hamda ayrim mavzular 
bo‘yicha taqdimotlar, fan bo‘yicha tavsiya etiladigan adabiyotlar ro‘yxati, 
test topshiriqlari, glossariy, ta’lim texnologiyalari, umumiy savollar, nazorat 
savollari, referat mavzulari, mavzular bo‘yicha tayanch konspekt, mualliflar 
haqida ma’lumotlar va baholash mezonlari kiritilgan. 
Majmuada kimyo ta’lim yo‘nalishi bo‘yicha ta’lim standartida shu 
yo‘nalishda tahsil oladigan talabalar uchun Kompleks birikmalar kimyosi 
fanidan belgilangan aosiy tushunchalar, bilim, malaka va ko‘nikma hosil 
qilish ko‘zda tutilgan mavzular yoritilgan. 
Mazkur majmuadan oliy o‘quv yurtlarining  biologiya, ekologiya 
ta’lim yo‘nalishlarining talabalari ham foydalanishlari mumkin.