Кодекси Ҷиноятии Ҷумҳурии Тоҷикистон

нишондиҳанда барои ҳисобҳо ё корҳои ислоҳӣ ба мўҳлати то ду сол ҷазо дода мешавад. 
Моддаи 117. Азобу уқубат 
1) Азобу уқубати ҷисмонӣ ё рўҳӣ бо роҳи лату кўби мунтазам ё бо усули дигари зўроварӣ, агар 
он боиси оқибатҳои дар моддаҳои 110 ва 111 ҳамин Кодекс зикршуда нагардида бошад, ‐
бо маҳрум сохтан аз озодӣ ба мўҳлати то се сол ҷазо дода мешавад. 
2) Ҳамин кирдоре, ки: 
а) нисбати ду ё зиёда 
шахсон
; 
б) нисбати шахс ё наздикони ў вобаста бо фаъолияти хизматӣ ва ё қарзи ҷамъиятиро иҷро 
намудани ў; 
в) нисбати бараъло ноболиғ ё шахсе, ки нотавон будани ў барои гунаҳгор аён аст, ё шахсе, ки 
аз ҷиҳати моддӣ ё аз ҷиҳати дигар вобастаи гунаҳгор аст, инчунин шахси рабудашуда ё гаравгон 
гирифташуда; 
г) нисбати зане, ки ҳомила будани ў барои гунаҳгор аён аст; 
д) аз ҷониби гурўҳи 
шахсон
ва гурўҳи 
шахсон
бо маслиҳати пешакӣ; 
е) аз рўи кирояи зархаридон; 
ж) бо роҳи шиканҷа ё бераҳмона; 
з) бо сабаби нафрат ё хусумати миллӣ, нажодӣ, динӣ, маҳалгароӣ ё интиқом содир шудааст,‐
бо маҳрум сохтан аз озодӣ ба мўҳлати аз се то ҳафт сол ҷазо дода мешавад. 
Эзоҳ: дар зери мафҳуми шиканҷа, ки  дар  ин модда  ва  дигар  моддаҳои ҳамин Кодекс  
нишон дода шудааст, расонидани  азияти ҷисмонӣ ё маънавӣ бо мақсади маҷбур намудани 
шахс ба додани нишондод ё ин ки дигар ҳаракатҳо бар хилофи иродаи инсон, ҳамчунин ба 
мақсади ҷазодиҳӣ ё ин ки дигар мақсадҳо фаҳмида мешавад. 
Моддаи 118. Аз беэҳтиётӣ расонидани зарари вазнин ба саломатӣ 
1) Аз беэҳтиётӣ расонидани зарари вазнин ба саломатӣ,‐
бо ҷарима ба андозаи аз дусад то панҷсад нишондиҳанда барои ҳисобҳо ё маҳрум сохтан аз 
озодӣ ба мўҳлати то ду сол ҷазо дода мешавад. 
2) Ҳамин кирдоре, ки дар натиҷаи ўҳдадориҳои касбии худро ба таври лозимӣ иҷро накардани 
шахс содир шудааст ё аз беэҳтиётӣ расонидани зарари вазнин ба саломатии ду ё зиёда 
шахсон
,‐
бо корҳои ислоҳӣ ба мўҳлати то ду сол ё маҳрум сохтан аз озодӣ ба мўҳлати аз ду то панҷ сол 
бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба 
мўҳлати то се сол ё бидуни он ҷазо дода мешавад.