G. N. Najmiddinova O’. U. Qurbonova

M U Q A D D I M A 
 
             Bugungi  kunda  ozod  Vatanimiz  hayotida  yuz  berayotgan  barcha  ijtimoiy-
iqtisodiy,  siyosiy-huquqiy  va  ma‘naviy-madaniy  o‘zgarishlar  insonni  o‘zgartirish 
va rivojlantirishi  uchun shart-sharoitlarni  vujudga  keltiradi.   
«Ta‘lim-tarbiya  va  kadrlar  tayyorlash  tizimini  tubdan  isloh  qilish,  barkamol 
avlodni  voyaga  etkazish»  to‘g‘risida  O‘zbekiston  Respublikasi  Prezidentining 
Farmoni bir necha muhim,  dolzarb masalalarni  o‘z ichiga oladi.   Xususan, 
-  ta‘lim-tarbiya  tizimini  tubdan  isloh  qilish,  uni  zamon  talablari  darajasiga   
ko‘tarish        milliy      kadrlar      tayyorlashning    yangi  tizimini  barpo    qilish,  kelajak  
uchun  barkamol  va salohiyatli  alodni tarbiyalash; 
-  uzluksiz        ta‘limning        barcha        bosqichlari        uchun        davlat  standartlarini  
ishlab  chiqish,  tasdiqlash  va  amaliyotga  tadbiq etish; 
- uzluksiz  ta‘lim  tizimining  milliy  modelini  amalga  oshirish. 
       Shuning  uchun bu sohada yangi o‘quv rejalar, dasturlar va o‘quv qo‘llanmalar 
yaratish  muhim  ahamiyatga  egadir. 
Mazkur 
darslik 
pedagogik  nazariyalar  va  o‘quv-tarbiya  amaliyoti 
taraqqiyotining  umumiy  va  farqli  xususiyatlari  va  tendensiyalarini  o‘rganadi. 
Ularning  iqtisodiy-ijtimoiy,  siyosiy  va  falsafiy  asoslarini,  milliy  xususiyatlarini 
ochadi. O‘sib kelayotgan avlodni o‘qitish va tarbiyalash borasida to‘plangan tajriba 
bilan 
cheklanib 
qolmasdan, 
balki 
jarayon 
dinamikasini 
hisobga 
oladi. 
Muammolarning  paydo  bo‘lishi  va  shakllanish  jarayonini  qarab  chiqadi.  Uning 
hozirgi  ahvolini  qayd  etadi  va  turli  mamlakatlar  pedagogik  sistemalari  hodisalarini 
tahlil  etish asosida keyingi  rivojlanish  tendensiyalarini  aniqlaydi. 
Darslikning  asosiy maqsadi:  
-  bakalavriat  ta‘lim  yo‘nalishi  talabalari  uchun  tayyorlangan      o‘quv  dasturidan joy 
olgan mavzularni  yoritib berish;      
- talabalarda  mazkur  fan  yuzasidan bilim,  ko‘nikma, malaka  hosil qilish;      
-  mamlakat  ta‘lim  tizimi  hamda  jahon  mamlakatlari  ta‘lim  tizimi  muammolarini 
qiyoslash va fan yangiliklarini  amaliyotga  joriy  qilish  hokazo.        
               
     Ushbu  darslik  oliy  o‘quv  yurtlarining  pedagogika  va  psixologiya  yo‘nalishi 
talabalari  hamda  magistrantlarga  mo‘ljallangan.  Shuningdek,  ushbu  o‘quv 
qo‘llanmadan kollej  va litseylarning  o‘quvchilari   ham foydalanishlari  mumkin.