ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ

---

vətəndaşlara pul yardımlarının verilməsi şərtləri sərtləşdirilir,
təhsil, peşə hazırlığı və işədüzəlmə məsələləri üzrə yardımlar
artırılır. Dövlət sığorta fondlarının vəsaitlərinin qismən özəlləş -
diril məsi və həmin fondların özəl investisiya fondlarına verilməsi
kimi yanaşmalar da getdikcə aktuallaşmaqdadır.
Bundan əlavə, rifaha görə fərdi məsuliyyətin artırılması üçün
müəssisələrin  idarə  edilməsində  işçilərin  iştirakının  səmərəli
mexanizmlərinin  yaradılması  nəzərdə  tutulur.  Bunun  üçün
nizamnamə fondunda işçilərinin payı olan müəssisələrə vergi
güzəştlərinin tətbiq edilməsi təklif olunur. Bu halda dövlət kənar
müşahidəçi  rolunu  dəyişərək  “kapital”  və  “əmək”  arasında
sövdələşmənin birbaşa iştirakçısına çevrilir.
ABŞ-ın iqtisadi uğurları neoliberal modelin həyat qabiliyyətli
və səmərəli olmasını göstərir. Lakin, bu qədər böyük iqtisadi
potensiala  malik  olan  ölkədə  milyonlarla  insanın  yoxsulluq
həddində  yaşaması  və  gəlirlərin  bölgüsündə  bərabərsizliyin
kifayət  qədər  yüksək  olması  neoliberal  modelin  təkmil
olmadığını göstərir.