Rivojlantirish instituti j. J. Jalolov, I. A. Ahmedov, I. S. Hotamov korxona tashqi iqtisodiy

Shunday qilib, korxonaning marketing strategiyasi:
— bozorga qanday tovar, qanday assortimentda va bahoda
chiqarilayotganligi;
— u qanday iste’molchiga mo‘ljallangan va keyinchalik
qanday iste’molchilarni jalb qilishi mumkinligi;
— rejalashtirilgan darajada tovarni sotish uchun qanday
sharoitlar zarurligi;
— tovarni yetkazib berish qanday kanallar va qanday
miqdorda tashkil qilingan bo‘lishi lozimligi;
— talab va sotishni rag‘batlantirishga qanday vositalar bilan
ta’sir qilish ma’qulligi;
— savdodan keyingi xizmat ko‘rsatish qanday bo‘lishi lozim
va kim tomonidan amalga oshirilishi kerakligi;
— bozor qatnashchilari qanday iqtisodiy natijalarni kutishi
va unga qancha xarajatlar talab qilinishini o‘z ichiga oladi. Ular
aniq va o‘tkazish vaqti bo‘yicha qatnashchilarning barchasi
o‘zaro kelishishini taqozo qiladi.
Biror bir bo‘g‘indagi xato va kamchilik butun o‘ylangan
operatsiyani yo‘qqa chiqarishi mumkin. Marketing faoliyatida
har bir korxona uchun tayyor retseptlar mavjud emas. Bozorga
yangi chiqarilayotgan har bir tovar uchun talabga ta’sir etish
usuli yangidan ishlab chiqiladi. Xorijda buning uchun maxsus
firma va institutlar tashkil qilingan. Biror-bir korxona yo‘qki, u
o‘z ma’muriy-boshqaruv apparatida marketing bo‘limiga ega
bo‘lmasin. Ular marketing muammolarini hal qilish uchun,
albatta, maxsus marketing bo‘limi yoki guruhi tashkil etadilar.