Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети

Аҳолининг мурожаатлари билан ишлаш самарадорлиги ортиб 
бормоқда. Инсон манфаатларини таъминлаш, энг аввало, одамлар билан 

---

66
мулоқот қилиш, халқнинг дарду ташвишлари, ҳаѐтий муаммо ва 
эҳтиѐжларини яхши билиш ва ҳал қилиш мақсадида Ўзбекистон Республикаси 
Президентининг Виртуал ва Халқ қабулхоналари ташкил этилди. 
Мазкур тузилмалар давлат ҳокимияти ва бошқаруви органлари 
фаолиятининг самарадорлиги, шунингдек, жойлардаги муаммоларни чуқур 
таҳлил этиш механизми ва давлат органлари ҳамда мансабдор шахсларнинг 
жамият олдидаги масъулиятини ошириш, уларнинг фаолиятини баҳолаш мезо-
нига айланди.
Ўтган давр давомида Виртуал қабулхона ва Халқ қабулхоналарига 
жисмоний ва юридик шахслардан 1 миллион 400 мингдан ортиқ мурожаатлар 
келиб тушди. Ҳар бир ариза ва шикоятнинг қонун доирасида кўриб чиқилиши 
қатъий назоратга олинди.
1 миллион 338 мингта мурожаатлар мазмунан ҳал этилиб, уларнинг 919 
мингдан ортиғи (66,5%) қаноатлантирилди, 418 мингдан ортиғи (30%) бўйича 
ҳуқуқий тушунтиришлар берилди. 
Республиканинг барча вилоятлари, туманлари ва шаҳарларидаги халқ 
қабулхоналари аҳоли билан бевосита мулоқотни, жойларда юзага келадиган 
муаммоларни тезкор ҳал этиш, камчиликларни бартараф қилиш, жисмоний ва 
юридик шахсларнинг ҳуқуқ ва манфаатлари ҳимоя қилинишини таъ-
минламоқда. Бу эса республика аҳолисининг конституциявий ҳуқуқ ва 
манфаатлари ишончли ҳимоя қилинаѐтганини билдиради. Ўтган даврда 
виртуал ва халқ қабулхоналари аҳолини ташвишлантираѐтган масалалар ҳал 
этиладиган масканга айланди. 
Жисмоний ва юридик шахслардан келиб тушган мурожаатлар тизимли 
равишда таҳлил қилиниб, мавжуд муаммоларни ҳамда аниқланган қонун 
бузилиши ҳолатларини бартараф этиш юзасидан зарур чоралар кўриб 
келинмоқда. 
Вазирлик ва идоралар кесимида энг кўп мурожаатлар Ўзбекистон 
Республикаси Ички ишлар вазирлиги, Олий суди, Бош прокуратураси, 
Марказий банки ва тижорат банклари, Бандлик ва меҳнат муносабатлари 
вазирлиги, Мажбурий ижро бюроси, Соғлиқни сақлаш вазирлиги, 
―Ўзбекнефтгаз‖ ва ―Ўзбекэнерго‖ акциядорлик жамиятлари фаолияти билан 
боғлиқ.