Ўзбекистон республикаси олий ва ўрта маҳсус таълим вазирлиги

Пардозбоп пластмасса пардалар. Пардали ашёлар асосли ёки асоссиз 
қилиб чиқарилади. Асосли парда ашёлар рангли поливинилхлорид пардани 
қоғоз ёки газламалар устига елимлаб олинади. Уларнинг юза томони худди 
линкруст каби силлиқ ёки бўрттириб ишланиши мумкин. 
Қоғоз ёки газламалар асосида олинадиган пардали ашёларнинг эни 500, 
600, 700 ва 1000 мм, қалинлиги 0,1-0,8 мм, узунлиги 40 метр бўлади. 
Асозсиз пардали ашёлар турли рангга бўялган юпқа поливинилхлорид 
пардасидан иборат бўлади. Улар эни 500, 600, 750 мм, қалинлиги 0,1 ва 0,2 мм, 
узунлиги 12 метр қилиб ишлаб чиқарилади. 
Қопламабоп қатламли пластик қоғоз варақларига синтетик смола 
сингдириб, силлиқ темир қистирмаларда 130-140
о
С да 7 МПа гача босим 
остида ёғоч юзасига босим остида зичлаб ёпиштирилади. Пластикнинг устки 
қисми силлиқ ва жило берилгандек ялтираб туради, ҳар хил рангда ва 
қимматбаҳо ёғочлар рангига, ҳамда тасвирга ўхшатилган бўлади.
Линкруст – қалин қоғоз асосга ёки картоннинг бир томонига юпқа ёки 
сидирға рангли ёки гулли полихлорвинил пардани ёпиштириб олинади.
Линкрустнинг юза томонини силлиқ ёки бўртириб ишлаш мумкин. 
Унинг эни 500, 600 ва 750 мм, қалинлиги 0,6ва 1,2 м, узунлиги 8-12 метр 
бўлиши мумкин. Линкруст пардаси ёпиштирилган картон юзаси сув ва нам 
таъсирига чидамли, чиримайди, техник кучларга бардош бера оладиган ашё. У 

---

турар жой, жамоат ва саноат биноларининг девор ва тўсиқларини пардозлашда 
қўлланилади. Линкруст деворларга крахмалдан тайёрланган елим ёки махсус 
синтетик полимерлар асосида олинган елимлар билан ҳам ёпиштириб пардоз 
бериш мумкин. 
Юпқа парда билан қоплаш. Ҳар хил рангли ёки гулли полиэтилен, 
поливинилхлорид ва полиамид пардалар билан темир буюм юзаси қопланади. 
Бунинг учун темир олдин қиздирилади, кейин у полимер парда билан ўралади. 
Парда эриб темирга ёпишади. Полимер пардани буюм сиртига елим ёрдамида 
ҳам ёпиштариш мумкин. 
Дерматин – зич қилиб тўқилган дағал газлама юзасига юпқа парда 
қилиб поливинилхлорид бўтқаси суртилган ўрама ашё. Поливинилхлорид 
бўтқаси тайёрлашда ишлатиладиган кукун тўлдирғичнинг ранги қора, оқ, 
жигарранг ёки қора бўлади. Юзаси эса текис ёки бўрттирилган бўлиши 
мумкин. Дерматиннинг қалинлиги 0,5 ва 0,8 мм, эни 750 ва 1000 мм, узунлиги 
эса 40 метргача қилиб чиқарилади. У тураржой, жамоат биноларининг 
деворларини, пойдеворларни, мебел ва шунга ўхшашларни қоплашда 
ишлатилади.