Махсус таълим вазирлиги тошкент давлат иқтисодиёт университети

аҳамияти ҳақида аниқ тасаввурга эга бўлишингизга ёрдам беради.
 Эсда тутинг! 
Коуз теоремаси: агар мулк ҳуқуқи аниқ тафсирланган бўлса, яъни 
хўжалик юритувчи субъектлар ҳуқуқларининг чегаралари аниқ белгиланган 
бўлса ва ижро этилса, у ҳолда томонлар ўртасидаги ушбу мулкдан 
фойдаланишдан етказилган зарарлар бўйича ихтилофли масалани учинчи 
томон (давлат)ни жалб қилмаган ҳолда ҳал этиш мумкин бўлади, чунки 
мазкур ҳолатда трансакция харажатлари кам бўлади. 
Коуз теоремаси (Ж.Стиглер томонидан ифодаланган): мукаммал 
рақобат шароитида хусусий ва ижтимоий харажатлар тенг бўлади.
Коуз теоремаси (Т.Эггертссон томонидан ифодаланган): агар 
трансакция харажатлари катта бўлмаса, у ҳолда иқтисодиёт, ундаги мавжуд 
сиёсий ва бошқа институтлар тўпламидан қатъи назар, оптимал траектория 
бўйича ривожланади. 
Акцияларнинг назорат пакети – акция эгасига акционер жамиятда
амалдаги хукмронлигини таъминлайдиган акциялар миқдори. 
Акционер жамият – турли корхона, ташкилот, банк, компания ва
айрим шахслар пул маблағларини шерикчилик асосида ва
сохибкорлик мақсадида бирлаштирадиган жамият. 
Аудитор фирма – корхона ва ташкилотларнинг молиявий хўжалик
фаолиятини текшириб берувчи, улар ишининг иқтисодий
экспертизасини ўтказувчи фирма.
Картель – монополистик бирлашма шакли, картель битимлари кўпроқ
йирик трест ва концернлар ўртасида тузилади. 
Консалтинг – бу ишлаб чиқаришга иш юзасидан хизмат кўрсатиш 
сохасида ихтисослашган фирмаларнинг ўз мижозларига маслахат хизмати 
кўрсатиш ва техникавий лойихаларни экспертизи қилиш билан боғлиқ 
иқтисодий фаолиятдир.
Консорциум -  фирмалар ёки фирмалар билан хукумат ўртасида
муайян амалий, жуда кенг қўлламдаги иқтисодий лойихаларни амалга
ошириш мақсадида шартнома асосида тузилган вақтинчалик
бирлашма.