Zahiriddin muhammad bobur nomidagi andijon davlat universiteti tabiiy fanlar fakulteti

6.5.9. Малакавий амалиёт 
Дала шароитида бакалавр экотизим, геотизим ва биотизимларни ажрата олиши, объектларни карта 
ёки планларга тушириши; организмларни турларга ажратиши, морфологик ва морфометрик кўрсатгичларига 
қараб таснифлай ва тавсифлай олиши; организмларни реал шароитга қараб мослашиш, кўпайиш ва 
ривожланиш хусусиятларини аниқлай олиши; коллекция, гербарий ва геологик намуналарни йиғиш, 
экологик ҳолатларни чизиш ва расмга олиш, экология ва табиат музейлари учун кўргазмаларни тўплаши; 
табиий шароитда ўсимлик ва ҳайвон турлари устидан кузатув олиб бориши керак. 
Идора, корхона, ташкилот ва муассасаларда, яъни ишлаб чиқариш шароитида экология ва табиатдан 
фойдаланиш бўйича замонавий тадқиқот методларидан бирини қўллаши, назарий ва амалий жиҳатларни; 
илмий тадқиқот методларидан фойдалана олиши ва тажриба олиб бориши; тўпланган маълумотларни 
таҳлил қилиш орқали ўзининг малакавий битирув иши мавзуси учун материал тўплаши лозим. 
Умумий ўрта ва ўрта махсус, касб-ҳунар таълим муассасаларида экология ва табиат муҳофазаси, 
биология ва экология фанларидаги тегишли мавзулардан бошқа ўқитувчиларнинг дарсларини таҳлил 
қилиши; педагогик технологияларни тегишли фанларга қўллаш методикасини билиши; ўқувчилар билан 
мулоқот қила олиши ва улар билан маърифий-маънавий тадбирларни ўтказа олиши; эркин ҳолда кўргазма 
қуролларини дасрларга тайёрлаши, замонавий интерактив методлар ва ўқитишнинг техник воситаларини 
қўллай олиши; ўқувчилар билимини баҳолаш усуллари ва объектив кўрсатгичларни тўплаш йўлларини; 
экология ва табиат муҳофазаси ўқув курслари, биология ва кимё фанлардаги тегишли мавзулардан янги 
педагогик технологиялар асосида дарсларни ўтиши керак. 
 
6.5.6.1. Ўқув-дала амалиёти 
Талабалар иккинчи курс охирида ботаника ва зоология фанлари бўйича дала амалиётига 
экскурсияга чиқишади. Ўсимлик ва ҳайвонларнинг тик минтақалар бўйича тарқалишини ўрганадилар. 
Ўсимлик ва хайвон турларини идентификация қилиш услубларини қўллаб уларнинг таксономик 
категорияларга мансублигини аниқлайдилар. Ҳар хил экотизимларни ва уларда ўсимлик ва хайвонларнинг 
иштирокини таҳлил қиладилар. Экотизим, биогеоценоз ва биоценоз тушунчаларининг маъносини амалда 
қўллашни ўрганадилар. Гербарий ва коллекциялар ташкил этишни ўрганадилар.