Toshkent kimyo-texnologiya institiuti "tasdiqlayman"

Blog nima?  

Blog  –  ingliz  tilidagi  web  log  so‘zlaridan  yasalgan  bo‘lib,  internet-jurnal,  hodisa,  internet-

kundalik,  onlayn-kundalik  degan  ma'nolarni  anglatadi.  Avvaliga  blog  shaxsiy  onlayn  kundalik 

sifatida  qabul  qilingan.  Odamlar  o‘z  fikrlari,  biror  voqyea  yoki  hodisaga  nisbatan  munosabatini 

boshqalar bilan muntazam bo‘lishib borgan. Bugunga kelib blog tushunchasi ancha kengaydi, matn, 

tasvir yoki multimediani o‘z ichiga olgan, muntazam yozuvlar qo‘shib boriladigan veb-sayt nazarda 

tutiladi (manba – Vikipedia). 

Blogning  quyidagi  turlarini  sanab  o‘tish  mumkin:  matnli  blog  (O‘zbekistonda  hozircha  eng 

ommalashgani), fotoblog, artblog (Rais buva kabi blog muallifi chizgan rasmlardan iborat), musiqiy 

blog,  videoblog  (vlog),  mikroblog.  Ko‘rinib  turibdiki,  blogda  har  qanday  ko‘rinishdagi  material, 

fayl va ma'lumotlarni joylashtirish mumkin. Bu bloger tanlagan yo‘nalishga bog‘liq, istasa hamma 

turlarini qorishtirib yuborishi ham mumkin. Chunki blog uchun hyech qanday qat'iy qoida, shablon 

yoki mezonlar yo‘q. 

Bloger  -  blog  yurituvchi  shaxs.  U  yuritayotgan  blogni  kichik  gazetaga  o‘xshatish  mumkin. 

Faqat uning shtatida birgina muxbir – bloger bor. U bir vaqtning o‘zida ham muallif, ham muharrir, 

ham sahifalovchi. U SMM, SEO, dizaynerlik, dasturchilik, foto va videolar montajchisi vazifasini 

ham bajarishi mumkin. 

O‘zbek  blogosferasida  taniqli  blogerlarning  kasbi  va  mutaxassisligiga  e'tibor  bersangiz, 

ularning  aksariyati  yo  jurnalist  yoki  o‘qituvchi.  Jurnalistlar  orasida  blogerlarning  ko‘proq  ekani 

sababli ba'zilar jurnalist bilan blogerni adashtirib yuboradi ham.  Muhimi u odamlarni qiziqtirishi va 

blogiga jalb qila olishi kerak. 

Boshqa  kasb  egalari  –  shifokorlar,  stomatologlar,  quruvchilar,  oshpazlar,  cho‘ponlaru 

dehqonlar, uy bekalari ham blog yuritishi, unda o‘z shaxsiy fikrlaridan tortib, tajribalarigacha yorita 

oladi.  Oshpaz  taom  tayyorlash,  uy  bekasi  bola  tarbiyalash,  o‘qituvchi  sifatli  dars  o‘tish, 

huquqshunos huquqiy maslahatlar berishi yoki o‘z sohasidagi og‘riqni masalalarni ko‘tarib chiqib, 

ularga  yechimlar  taklif  qilishi  mumkin.  Eng  muhimi  to‘xtab  qolmasligi,  blogini  doimiy  yangilab 

turishi kerak.