M. F. Ziyayeva xirurgik kasalliKlar bilan og‘rigan va intensiv terapiyani o‘tayotgan beMorlarda HaMsHiraliK parvarisHi

o‘tkir ichak tutilishi turlari. 
Mezenterial tomirlar trombozi
Ichak  tutilishi  deganda,  ichaklar  harakatining  buzilishi  yoki 
batamom  to‘xtashi  tushuniladi.  Ichak  tutilishining  dinamik  va 
mexanik tutilishi farq qilinadi.
Dinamik  tutilishda  ichaklarning  harakat  faoliyati  buziladi, 
bu  faoliyat  peristaltikaning  to‘liq  to‘xtashigacha  sustlashishi 
(paralitik tur) yoki ichak spazmi keskin kuchayishi (spastik tur) 
mumkin.
Mexanik  tutilishining  turlari  juda  ko‘p,  biroq  bu  turlarning 
hammasi  kechishi  jihatidan  quyidagi  ikkita  guruhga  bo‘linadi: 
stron gulat sion va obturatsion ichak tutilishi.
Ichakning  strongulatsion  tutilishi  –  ichak  tutilishining  eng 
og‘ir  turidir.  Ichak  bo‘shlig‘ining  tiqilib  qolishi  ichak  tutqich 
tomirlari  va  nervlarining  bosilishi  bilan  o‘tadi,  bu  –  qon 
aylanishining buzilishiga va ichak bo‘lagining tez jonsizlanishiga 
olib  keladi.  Ichakning  strongulatsion  tutilishi  churralar  qisilib 
qolganda, ichak buralishida, ichak tugilib qolishida kuzatiladi.
Ichakning obturatsion tutilishi – ichak tutilishining eng yengil 
turi hisoblanadi, chunki ichak bo‘shlig‘ining tiqilib qolishi ichak 
tutqich ezilmasdan sodir bo‘ladi. Ichakning yot jism, o‘sma va shu 
kabilardan  tiqilib  qolishining  hamma  turlari  ichak  tutilishining 
shu turiga kiradi.