Toshkent «Adolat» 2018 davlat va huquq nazariyasi

huquq va majburiyatlarni amalga oshirish hujjatlari(harakatlari)dir. 

Bu yerda so‘z huquqiy munosabat ishtirokchilarining huquq normalariga rioya 

etish, bajarish va foydalanish shaklidagi real amaliy xatti-harakatlari, xulq-

atvori haqida bormoqda. Mazkur harakatlar sodir etilishi bilan qonun chiqaruvchi 

idora rejalashtirgan maqsad amalga oshadi hamda huquqiy tartibga solish 

mexanizmi faoliyati yakun topadi.

Huquqni qo‘llash hujjatlari vakolatli davlat idorasining, mansabdor 

shaxsning davlat-hokimiyat xarakteridagi hujjatidir. Bu hujjatlar huquqiy nor-

ma talablarini huquqiy munosabat orqali bevosita hayotga joriy etadi. Lozim 

bo‘lgan hollarda huquqni qo‘llash hujjatlarining bajarilishi davlatning majbur-

lash kuchi bilan ta’minlanadi. Huquqni qo‘llash hujjatlari – qaror, farmoyish, 

buyruq, hukm va boshqa shakllardan iborat. Bu hujjatlarda huquqiy munosabat 

ishtirokchilarining huquq va burchlari aniq ko‘rsatib beriladi.

 

Huquqiy tartibga solishning eng oliy 

shakli –