П у л м а б л а ғ л а р и г а р о в ш а р т н о м а с и

ТАРАФЛАРНИНГ ЖАВОБГАРЛИГИ

4.1. Тарафлар ўз шартномавий мажбуриятларини бажармаган ёки лозим даражада бажармаган тақдирда, Ўзбекистон Республикасининг Фуқаролик кодекси ва «Хўжалик юритувчи субъектлар фаолиятининг шартномавий-ҳуқуқий базаси тўғрисида»ги Қонунига мувофиқ жавобгардир. Шунингдек, Тарафлар ўзлари тақдим этган маълумотлари юзасидан Ўзбекистон Республикасининг амалдаги қонунчилигига мувофиқ жавобгардирлар.

5. 
   НИЗОЛАРНИ ҲАЛ ҚИЛИШ
   

5.1. Мазкур шартнома шартлари юзасидан тарафлар ўртасида юзага келадиган низо ва келишмовчиликлар ўзаро музокаралар олиб бориш йўли билан ҳал қилинади. Тарафлар юзага келган низони ўзаро ҳал қила олмаган тақдирда, ушбу муаммони ҳал қилиш учун судга мурожаат қилинади.

6. 
   ФОРС-МАЖОР ҲОЛАТЛАРИ
   

6.1. Шартнома тузилганидан сўнг Тарафларга боғлиқ бўлмаган Форс-мажор ҳолатлари, яъни зилзила, сув тошқини, ёнғин ва бошқа табиий офатлар ёки фавқулодда ҳодисалар каби форс-мажор ҳолатлари содир бўлганда, шунингдек банклараро электрон тизим вақтинча ишламай қолганда, мазкур шартнома бўйича Тарафлар ўз мажбуриятларини тўлиқ ёки қисман бажармасалар жавобгар бўлмайдилар.
6.2. Форс-мажор ҳолатлари содир бўлганлиги ва унинг оқибатида ўз мажбуриятини тўлиқ ёки қисман бажара олмаганлиги тўғрисида бир Тараф иккинчи Тарафни зудлик билан хабардор қилиши шартдир.
6.3. Фавқулодда ҳодисалар шароитида ҳам Тарафлар ўз мажбуриятларини тўлақонли бажариш учун барча зарур чораларни, шунингдек Ўзбекистон Республикаси қонунчилигида кўзда тутилган чораларни кўради.

7. 
   ШАРТНОМА МУДДАТИ
   

7.1. Мазкур шартнома уни Тарафлар имзолаган ва муҳри билан тасдиқлаган кундан қонуний кучга киради ва улар ўз шартномавий мажбуриятларини тўлиқ бажаргунларига қадар амал қилади.

8. 
   ҚЎШИМЧА ШАРТЛАР
   

8.1. Тарафлар имзолаган ва муҳри билан тасдиқлаган, ёзма равишда тузилган мазкур шартномага киритилган ўзгартиришлар ва қўшимчалар юридик кучга эгадир, ушбу ўзгартиришлар ва қўшимчалар Тарафларнинг розилиги билан амалга оширилади.
8.2. Мазкур шартнома бир хил юридик кучга эга бўлган икки нусхада тузилди. Бир нусхаси Гаровга олувчида сақланади, иккинчи нусхаси Гаровга қўювчига тақдим этилади.
8.3. Ушбу шартномада кўрсатиб ўтилмаган, бироқ шартнома билан боғлиқ бўлган бошқа ҳолатлар Ўзбекистон Республикасининг амалдаги қонун ҳужжатлари асосида тартибга солинади.
8.4. Гаровга қўювчи мазкур шартномани тузиш вақтида депозитга маблағ қўйилганлигини ва ушбу маблағ бошқа гаровга қўйилмаганлигини тасдиқлайди.

9. 
   ТАРАФЛАРНИНГ РЕКВИЗИТЛАРИ ВА ИМЗОЛАРИ
   

«ГАРОВГА ОЛУВЧИ» «ГАРОВГА ҚЎЮВЧИ»