П. Мирхамидова, А.Ҳ. Вахобов, Қ. Давранов, Г. С. Турсунбоева

11.6. Ҳайвонлар ген инженерлиги 
Ген инженерлиги методларининг яратилишига қадар, 2 та соматик 
ҳужайраларни қўшиш йўли билан генлар кўчирилган. Агар ҳужайраларнинг 
2 та линиясини биргаликда полиэтиленгиликол ёки инактивацияга 
учратилган Сендай вируси иштирокида инкубация қилинса, бу 2 та ҳужайра 
линияларининг ядролари қўшилади. Ҳосил бўлган гибрид ҳужайраларни 
селектив муҳитда ажратиб олиш мумкин. Бунда маълум бир белгилар ва 
маълум бир хромосомалар ўртасидаги мувофиқликни аниқлаб янгидан-янги 
генлар харитасини тузиш мумкин бўлади. Гибрид ҳужайра кўпайиши 
давомида битта ёки иккала она ҳужайраларни хромосомаларини йўқотиши, 
ҳамда йиллар давомида репрессияланган генлар экспрессияланиши мумкин. 
Баъзи ҳолларда она ҳужайра линиясида «ишламаган» ген, гибрид 
ҳужайраларда «ишлаши» мумкин. 
Вирус генларини жойлаштириш ва кўчириш. 1976 йили Ениш сичқон 
ҳужайраларига бегона генларни киритиш ва бу белгиларни наслдан-наслга 
ўтишини амалга оширган. Лекин рекомбинация ва клонлаш методи ўша 
вақтда унчалик ривожланмаганлиги сабабли генларни киритишда 
вируслардан вектор сифатидагина фойдаланилган.
Сичқон лейкози вируси кирадиган синф вирусларига олимлар 
томонидан генларни кўчириш учун самарали вектор сифатида қараганлар. 
Ушбу ретровирусларнинг генлари бир занжирли РНКнинг 2 та 

---

 267 
молекуласидан тузилган: ҳужайра бу вирус билан зарарланганда қайтар 
транскриптаза ДНК молекуласини, комплементар РНКни синтезлайди. Ҳосил 
бўлган ДНК-нусха ҳужайра ДНКсига «провирус” кўринишида жойлашади. 
Провирус барқарор ҳолда қолиши ёки хужайра ДНКсидан ажралиб, янги 
вирус заррачалари ўсишига манба бўлади. 
Саволлар. 
1. Ген инженерлиги усулларининг имкониятларини айтинг. 
2. Трансген организм нима? 
3. ДНК репликацияси ҳақида маълумот беринг. 
4. генетик код нима? 
5. Мутация нима? 
6. Клон нима?