Ozuqa turlari va ularning tasniflanishi

1-амалий машғулот

Ozuqa turlari va ularning tasniflanishi

Ishning maqsadi: Talabalarga fanning maqsad va vazifalarini tushintirish. Ozuqa turlarini o’rganish. O’simliklardan tayyorlanadigan ozuqalar, ko’kat, pichan, silos, dag’al, shirali ozuqalar haqida tushinchaga ega bo’lish va o’rganish. Ozuqa sifati va ozuqa birligini bir-biridan farqini o’rganish, amaliy ko’nikmalarga ega bo’lish.
Kerakli jihozlar va o’quv qo’llanmalari: Ozuqa turlari ularning nomlanishi, ozuqa sifatini aniqlash uchun materiallar, jadvallar, darslik, uslubiy qo’llanmalar.

Chorvachilikda qo'llanadigan ozuqalar sifati, to‘yimliligi, hazm bo‘lishi bilan farqlanadi. Barcha ozuqalar 3 ta guruhga bo'linadi: O'simlikdan tayyorlangan ozuqalar, chorva mahsulotlaridan tayyorlangan ozuqalar va mineral moddalar. Shu ozuqalardan eng ko‘p qo‘llaniladigani - o'simliklardan tayyorlanadigan ozuqalardir.

O‘simlik ozuqalari. O'simliklardan tayyorlanadigan ozuqalar keng tarqalgan bo'lib, ular ko'kat, pichan, senaj, silos, dag'al, shirali, konsentrat va boshqa ozuqalardan tashkil topgan.
Ko‘kat ozuqa bu - eng arzon, to'yimli, oson hazm bo'ladigan ozuqadir.
Ko'kat ozuqa yetarli darajada suvli, vitaminli, xushbo'y, muhim organik va mineral moddalarga boy bo'ladi. Ko'kat ozuqa tabiiy o'tzorlardan, maxsus ekilgan yemxashak ekinlaridan olinadi. Ko'kat vitaminlarga, karotin, oqsil va mineral moddalarga boy bo'ladi.
Dag‘al ozuqalar. Bu guruhga pichan, somon, bo'ta va daraxt novdalari kiradi. Umuman bu ozuqalar oson hazm bo'lmaydi, tarkibida to'qimalar ko'p bo'ladi.
Pichan - bu quritilgan o'simllik ozuqasi. Pichan har xil tabiiy o'tzorlardan, ekilgan bir va ko'p yillik o'tlardan va boshqa yem-xashak ekinlaridan tayyorlanadi.
To'yimliligi bo'yicha ko'katdan yuqori bo'ladi.
1-jadval.
Ko’kat va pichan to’yimliligi (1 kg ozuqaning tarkibi) (V.Dalakiyan va boshqalar malumoti)