Ozuqa turlari va ularning tasniflanishi

Amaliy topshiriq.

Ozuqa turlari	O’simlik ozuqalari.
	Ko’kat ozuqa	Dag’al ozuqalar	Donli ozuqa (yem)	Shirali ozuqalar	Konservalashtirilgan ozuqalar
O’simliklardan tayyorlanadigan ozuqalar

2-амалий машғулот

Xashaki donli ekinlarining umumiy morfologiyasi

Ishning maqsadi: Talabalarga donli ekinlar morfologik va botanik xususiyatlarini, birinchi va ikkinchi guruh don ekinlarini bir - biridan farqlarini hamda ularning rivojlanish fazalarini o’rganish bo’yicha amaliy ko’nikmalar berish.
Kerakli jihozlar va o’quv qo’llanmalari: Donli ekinlar urug’lari, maysalarining namunalari, lupa, chizg’ich, kichik o’lchovli tarozi, darslik, uslubiy qo’llanmalar, rangli rasmlar va jadvallar.

Donli ekinlar g’alla-don ekinlari va donli-dukkakli ekinlarga ajratiladi. G’alla-don ekinlariga qo’ng’irbosh (g’allasimon)lar oilasiga kiruvchi bug’doy, javdar, arpa, suli, makkajo’xori, tariq va sholi mansubdir.

Donli yem xashak ekinlari guruhiga kiruvchi o’simliklarning doni, ko’kati, poxoli yem - xashak sifatida ishlatiladi.
Ildiz. Don ekinlarining ildizi popuk ildiz bo’lib, murtak va qo’shimcha ildizlardan iborat. Murtak ildizlari murtakdan rivojlanib soni har xil, arpada 5-8 ta, sulida 3 ta, javdarda 4, makkajo’xori, oqjo’xori va tariqda bittadan bo’ladi. Maysalar ko’ringandan keyin yer yuziga yaqin joylashgan bo’g’inidan qo’shimcha ildizlar yaxshi rivojlanadi va o’simlikni oziq va suv bilan ta’min qiladi. Noqulay sharoitda qo’shimcha ildizlar rivojlanmasligi mumkin. Don ekinlarining qo’shimcha ildizlari tuplanish davrida rivojlanadi.