О‘zr oliy va о‘rta maxsus ta’lim vazirligi buyrug‘i Buyruq №434 2017

О‘simlik  hujayrasiga  tо‘g‘ridan-tо‘g‘ri  genlarni  о‘tkazish  usullari. 
Liposomaga  joylashtirish  usuli 
protoplastga  yuboriladigan  ekzogen  genetik 
materiallarni nukleazalardan himoya qilishda ishlatiladigan usul bо‘lib, liposoma – 
spetsifik    hosila  bо‘lib,  qobig‘i  fosfolipidlardan  tashkil  topgan.  Fosfolipidning 
suvli  emulsiyasini  ultratovush  bilan  ishlov  berib  yoki  tez  chayqatish  usuli  bilan 
olish  mumkin.  Hayvon  va  о‘simlik  xujayralariga  DNKni  yuborishda  fosfatilserin 
yoki xolesterindan tashkil topgan liposomalar maqsadga muvofiq. 
Biologik ballistikalar usuli.
 Bir pallali о‘simliklarga transformatsiyalashning 
hozirgi  kundagi  eng samarali usullaridan biri bu biologik  ballistiklar (biolistiklar) 
usulidir.  Boshlang‘ich  material  sifatida  suspenziyali  kultura,  kallus  yoki  bir 
pallalilarning kulturada о‘sayotgan 4-5 kunlik murtagi olinadi. Bu usulda, tarkibida 
DNK  bо‘lgan  volframning  mayda  zarrachalari  genning  transformatsiyasi  uchun 
zarur bо‘lgan gen konstruksiyasi DNK-vektoriga purkaladi. DNK tutuvchi volfram 
zarrachalari sellofan taglikka о‘rnatilib, biolistik pushka ichiga joylashtiriladi. Petri 
likobchasidagi agarli muhitdagi kallus yoki xujayralar suspeziyasi biolistik pushka 
tagiga 10-15 sm masofaga qо‘yiladi. Pushka bilan volfram zarrachali DNK bosim 
ostida  otilganda  hujayra  devorlari  yorilib,  sitoplazma  va  yadroga  kiradi.  Odatda, 
markazdagi  hujayralar  nobud  bо‘ladi,  atrofdagi  muvaffaqiyatli  transformatsiya 
bо‘lgan  hujayralar  regeneratsiyalanishi  uchun  yangi  oziq  muhitiga  kо‘chirib 
о‘tkaziladi.  Ballistik  pushka  yordamida  jо‘xori,  sholi,  bug‘doy  kabi  bir  pallali 
о‘simliklar transformatsiyalanib transformant о‘simliklar olingan.