O‘zmu xabarlari Вестник нууз acta nuuz

ОБРАЗ ЖИЗНИ: ДИАЛЕКТИКА МЕЖДУНАРОДНОГО МИРА И ТЕРПИМОСТИ 
Аннотация 
Статья посвящена взаимосвязи идей межнационального согласия и толерантности в образе жизни. Они рассказали о 
проводимой в Узбекистане работе по обеспечению гармонии между различными национальностями и этническими 
группами, религиозных конфессиях, рациональных реформах и практических мерах по поддержанию мира и 
стабильности. 
Ключевые слова:
образ жизни, межнациональное согласие, толерантность, нация, национализм, народная дипломатия, 
этническая диаспора, международный культурный центр, полиэтничность. 
TURMUSH TARZI: MILLATLARARO TOTUVLIK VA BAG’RIKENGLIK DIALEKTIKASI 
Annotatsiya 
Maqola turmush tarzida millatlararo totuvlik va bag’rikenglik g’oyalarining o’zaro aloqadorligi masalasiga bag’ishlanadi. 
Oʻzbekistonda turli millat va elatlar, diniy konfessiyalar vakillari oʻrtasidagi ahil-inoqlik, hamjihatlikni taʼminlash borasida 
amalga oshirilayotgan ishlar, tinchlik-osoyishtalik, barqarorlikni saqlash yoʻlida olib borilayotgan oqilona islohotlar, amaliy 
chora-tadbirlar haqida soʻz yuritiladi. 
Kalit so’zlar:
Тurmush tarzi, millatlararo totuvlik, bag’rikenglik, millat, millatchilik, xalq diplomatiyasi, etnik diaspora, 
baynalminal madaniyat markazi, polietnik. 
Kirish.
Mamlakatimizda millatlararo munosabatlar va 
bag’rikenglikni ta’minlashda sifat jihatdan yangi bosqich 
boshlandi. Bag'rikenglik va insonparvarlik madaniyatini 
rivojlantirish, millatlararo totuvlikni mustahkamlash, yosh 
avlodni Vatanga muhabbat va sadoqat ruhida tarbiyalash 
masalalari yangi bosqichning asosiy vazifalaridir. Millatlararo 
totuvlik va bag’rikenglik turmush tarzining asosiy o’zagi, 
kvintessenstiyasi hisoblandi va transnatsional xarakterga ega.
Insoniyat tarixi shuni ko‘rsatdiki jahondagi mavjud 
bo‘lgan birorta millat yoki elat, ular kam sonli bo‘lgan 
taqdirda ham ixtiyoriy ravishda boshqa millatlar bilan 
qo‘shilib ketmagan, har bir millatga xos bo‘lgan xususiyatlar 
rivojlanib borgani sari boshqa millatlar bilan munosabatlarni 
takomillashtirib borgan. Milliy va irqiy birlik doimo insoniyat 
jamiyatining ravnaqiga katta ta’sir ko‘rsatib kelgan. 
O‘zbekiston ko‘p millatli polietnik davlat bo‘lganligi 
uchun ham milliy munosabatlarni to‘g‘ri tashkil etish bugungi 
kunning dolzarb muammolaridan biri bo‘lib qolmoqda. 
O'zbekistonning tarixiy jihatdan dunyo sivilizatsiyalari, 
madaniyatlari 
va 
dinlari 
chorraxasida 
joylashganligi 
masalaning o’ta nozik va dolzarb ahamiyatga ekanligini 
anglatadi. Mamlakatimizdagi tinchlik va barqarorlik faqat 
o‘zbek xalqi uchungina emas, balki boshqa millatlarning 
vakillari uchun ham bebaho boylik hisoblanadi. Tobora 
ko‘plab kishilar o‘z ona tilida ma’lumot olish, farzandlarini 
milliy ruhda tarbiyalash imkoniyatiga ega bo‘lmoqdalar. Ayni 
mahalda ular O‘zbekistonga nisbatan vatanparvarlik 
munosabatida 
bo‘lishining 
mustahkamlanishiga 
ko‘maklashmoqdalar. Birinchi Prezidentimiz I.A.Karimov 
millatlararo munosabatlar masalasiga to’xtalib, shunday deydi 
“Ozchilikdan iborat millatlarning manfaatlari va huquqlarini 
himoya qilish, ularning madaniyati, tili, milliy urf-odatlari va 
an’analari saqlanishi hamda rivojlanishini kafolatli ta’minlash, 
davlat, davlat tuzilmalarining faoliyatida va jamoat turmushida 
faol qatnashishini ta’minlash lozim”[1].