Oziq-ovqat mahsulotlari texnologiyasi

Luchaferul. Moldaviya dala ekinlari ilmiy tekshirish institutining seleksion duragayi.
2003 yildan respublika bo’yicha sug’oriladigan yerlarda asosiy ekin sifatida Davlat reyestriga kiritilgan. O’simlik bo’yi 140–160 sm. Bargi o’rtacha, yuraksimon, yashil. Savatchasi o’rtacha kattalikda, pastga egilgan. Urug’i o’rtacha kattalikda, ovalsimon, uzunchoq, qora, chiziqchalari kulrang. 1000 urug’ining vazni 60,0–75,0 g. Yotib kolish va to’kilishga bardoshli. Vegetasiya davri 100–110 kun. O’rtacha urug’ hosildorligi 2000–2004 sinov yillari Toshkent viloyatida gektaridan 22,5–24,1 sentnerni tashkil etdi.Yuqori yogli duragaylar guruhiga kiradi, urug’ yadrosining tarkibidagi yog’ miqdori 52,0–54,7 % qishloq xo’jalik kasalliklariga, LMR (lojnaya muchnistaya rosa), oq va kulrang chirishga bardoshli.
Jahongir. O’zbekiston o’simlikshunoslik ilmiy tekshirish institutining seleksion navi. Nav (K–Uz 007085 A 502 turkiya) kolleksion namunasidan guruhli yakkalab tanlash yo’li bilan yaratilgan. Mualliflar: M.Amanova, A.Rustamov, P.Xadjiyev
2006 yildan Samarqand, Toshkent viloyatlarining sug’oriladigan yerlarida ekish uchun Davlat reyestriga kiritilgan. O’simlikning bo’yi o’rtacha 140–160 sm, poyasi o’rtacha tuklangan, bargi yuraksimon shaklda, o’rtacha tuklangan. Savatchaning diametri 25–30 sm, pastga egilgan. Urug’lari qora to’q kulrang ko’rinishda. O’rtacha kattalikda. 1000 donnning o’rtacha vazni 70,0 – 78,0 g. o’rta – ertapishar. Toshkent viloyatida 98–108 kunda yetiladi. Yotib qolishga, to’kilishga chidamliligi 5,0 ball. O’rtacha hosildorligi sinov yillarida gektaridan 19,2–22,0 sentnerni tashkil etdi.
Sinov yillarida nav qishloq xo’jalik kasalliklari va hasharotlari bilan zararlanmaydi: soxta kul shudring, oq va kulrang chirish. Donidagi yog’ miqdori 58,0 %, oqsil miqdori 19,0 % ni tashkil etadi.