Өзбекстан республикасы жоқары ҳәм орта арнаўлы билимлендириў министрлиги

ӨЗБЕКСТАН РЕСПУБЛИКАСЫ ЖОҚАРЫ ҳәм ОРТА АРНАЎЛЫ БИЛИМЛЕНДИРИЎ МИНИСТРЛИГИ

БЕРДАҚ АТЫНДАҒЫ ҚАРАҚАЛПАҚ МАМЛЕКЕТЛИК УНИВЕРСИТЕТИ
«ҚУРЫЛЫС» КАФЕДРАСЫ

«ИНЖЕНЕРЛИК ТАРМАҚ ҲӘМ ҮСКЕНЕЛЕРИ»

ПӘНИНЕН
КУРС ЖУМЫСЫ
ТЕМА :Көп қабатлы имаратларға суў ҳәм канализация тармақларын орнатыў
«ИМАРАТ ҲӘМ ИНШААТЛАР ҚУРЫЛЫСЫ» кәнийгелиги
студенти
ОРЫНЛАҒАН: Б. ТУРДЫХАНОВ
ҚАБЫЛЛАҒАН: Н.ДАЎЛЕТМУРАТОВА.


Нөкис-2012


Кирисиў

Заманагөй имаратларды санитар-техникалық үскенелеў, ыссы ҳәм суўық суў тәмийнаты, канализация, жылытыў тармағы, суў ағарлар, мусор шығарыўшы трубалар, газ тәмийнаты инженерлик үскенелер комплексинен ибарат. Бул комплекс қала ҳәм елатлы жасаў пуктлериндеги турғынлардың жасаў шәраятларын жақсылаўда ҳәм абаданластырыў дәрежесин анықлаўда, имаратта жасаўшыларға қолайлық туўғызыў мақсетинде зәрүр болып табылады.

Имараттағы суў менен тәминлеў системасы деп сыртқы суў тармағынан керекли муғдарда суў алыўды тәмийинлеўши ҳәм суў тармағы қурылмасына талап етилген напор астында узатыў қурылмалары жыйынына айтылады. Суўық суў менен тәминлеў системасы төмендеги қурылмалардан турады: кириў майданшасы (ввод), суў өлшеў түйини, магистрал трубапровод, стояклар, подводкалар, суў бөлистириўши прибор ҳәм арматуралар. Айрым жағдайларда системада насос орнатпасы қурылыўы мүмкин.
Хожалық - ишимлик ушын арналған суў тармақлары тутыныўшыларды жоқарғы сападағы ишимлик суў менен тәмийинлеўи шәрт, бул жерде суўдың сапасы ГОСТ 2874-73 бойынша талапларға жуўап бериўи ҳәмде ақырғы точкалардағы суў алыў қурылмаларына (кранлар) суўды жеткерип бериўин тәмийинлеўи тийис.
Ишки канализация деп – имараттың ишиндеги ҳәм сыртындағы шығынды суўларды қабыллаўшы, жергиликли тазалаўшы ҳәм елатлы жасаў пунклериндеги канализация тармақларына жөнетиўши инженерлик үскене ҳәм қурылмалар системасына айтылады.
Ишки канализация тармағы төмендеги тийкарғы элементлерди өз ишине алады:
патасланған суўларды кабыллаўшы (санитариялық приборлар – мойка, раковина, ванна, унитаз ҳәм т.б.); канализация тармақлары (стояклар, шығарыўшы трубалар, вытяжной трубалар ҳәм выпусклар, коллекторлар ҳ.т.б.); патасланған суўларды көтерип бериў ҳәм тазалаўға арналған жергиликли үскенелер. Ҳәр бир әсбапдан кейин гидравликалық затвор орнатылады.
Есаплаў шығынды суўдың улыўма көлемин анықлаў, стояк ҳәм выпусклердиң диаметрлерин танлаўдан ибарат.
Имаратларды проектлеўде суўды рационал түрде пайдаланыў, имараттың барлық жергиликли жағдайлары ҳәм өзгешеликлерин есапқа алыўшы үнемли ҳәм исенимли суў тармағы, монтаж жумысларын орынлаўда заманагөй методларды қолланыў мүмкиншилиги, пайдаланыўда қолай ҳәм үнемлилиги, жойбардың қурылыс-архитектура, технология ҳәм басқада бөлимлери менен байланысы көзде тутылыўы тийис.